უეინ რუნის მხოლოდ 4 გოლის გატანა დარჩა იმისთვის, რომ ნაკრებში ბობი ჩარლტონის მიერ ნაჩვენებ შედეგს (49 გოლს) აჯობოს და ამის შესაძლებლობა კაპიტანს უახლოეს მატჩებში, ლიტვისა და იტალიის ნაკრებების წინააღმდეგ მიეცემა.

"ნათელია, რომ მასთან ახლოს ვარ და თუ მოვახერხებ, ეს იქნება ფანტასტიური მოვლენა, რომლითაც ვიამაყებ. იმედი მაქვს ეს მალე მოხდება. კონცენტრაცია უნდა მოვახდინო საკუთარ ქმედებებზე და ვაჩვენო საუკეთესო თამაში, გოლები კი თავისით მოვა." - განაცხადა რუნიმ.

რუნი ბობი ჩარლტონს ხშირად ესაუბრება, მაგრამ ამ თემას არასდროს ახსენებს.

"მას ხშირად ვესაუბრები კლუბში, განსაკუთრებით მატჩების შემდეგ. მაგრამ არ მინდა მისი წყენინება და არ ვეუბნები, რომ მალე მოვხსნი რეკორდს. საქმიან რჩევებს ყოველთვის მაძლევს, ჩვენი საუბრები კი საინტერესოა."

როი ჰოჯსონმა მისი ნაკრების კაპიტანზე შემდეგი რამ განაცხადა:

"მოხარულები ვართ, რომ "მანჩესტერ იუნაიტედში" რუნი თავდამსხმელის პოზიციას დაუბრუნდა, რადგან სწორედ იქ ვაპირებთ მის გამოყენებას."

თავად უეინიც მოხარულია.

"დარწმუნებული ვარ, იქნება მატჩები, სადაც ვან გაალს ნახევარდაცვაში ჩემი დაბრუნება მოუნდება, მაგრამ თავდასხმაში თამაში და გოლების გატანა მომწონს. ეს მატჩების მოგებაში გვეხმარება."

წყარო: carrick.ru