"მანჩესტერ იუნაიტედის" ახალწვეული, ანხელ დი მარია, მიმდინარე სეზონში პრემიერ ლიგის ერთ-ერთი საუკეთესო მეპასეა(10 საგოლე პასი), იგი მხოლოდ სესკ ფაბრეგასს ჩამორჩება (16), თუმცა გულშემატკივრები ნამდვილად უფრო მეტს ელიან მისგან.

გავრცელდა ჭორები იმის თაობაზე, თითქოს ლუი ვან გაალი არგეტინელს ეჩხუბა "ენფილდზე" გამართული შეხვედრის შემდეგ და "ეშმაკების" გულშემატკივართან მისვლა და მადლობის გადახდა აიძულა. შესაძლოა ამან კიდევ უფრო გააბრაზა ჰოლანდიელი სპეციალისტი.

"მეორე ნახევარში ყველაფერი შეიცვალა წითელი ბარათის გამო, ამის შემდეგ ჩვენ აღარ ვთამაშობდით როგორც ერთი გუნდი."- განაცხადა ლუიმ მატჩის შემდგომ ინტერვიუში.

"ბევრს დავრბოდით ბურთთან ერთად, ვუშვებდით შეცდომებს - ეს ყველაფერი არ არის კარგი".

პირველი 45 წუთი ძალიან ჰგავდა 1 კვირით ადრე გამართული შეხვედრის ("ტოტენჰემის" წინააღმდეგ) პირველ ნახევარს, თუმცა შესვენების შემდეგ გუნდს უკვე გაუჭირდა კაცნაკლული "ლივერპულის" წინააღმდეგ თამაში, შეცვლაზე შემოსული დი მარია კი ბევრ შეცდომას უშვებდა.

"მერსესაიდელების" წინააღმდეგ მისი გადაცემების მხოლოდ 78% გამოდგა ზუსტი, ამას დავამატოთ დრიბლინგისას დაკარგული ბურთები - ვან გაალს ნამდვილად ჰქონდა გაბრაზების საფუძველი.

"მადრიდის რეალის" ყოფილი ნახევარმცველის პირადი გულშემატკივრები, დი მარიას დასაცავად იხსენებენ იმ ორ მომენტს, როდესაც არგენტინელმა უმაღლესი კლასი აჩვენა: საგოლე პასი ხუან მატას და დეილი ბლინდზე გადაცემა, რომელსაც თერთმეტ მეტრიანი მოჰყვა.

საქმე იმაშია, რომ ანხელს შეუძლია მატჩზე გავლენა მოახდინოს, მაშნაც კი, როდესაც საერთოდ არაფერი გამოსდის: გავიხსენოთ მისი ჩაწოდება "ჩელსისთან", რომელსაც ვან პერსის გოლი მოჰყვა, "არსენალთან" უზუსტესი პასი უეინ რუნიზე.

არგენტინელმა ვინგერმა 21 მატჩი ჩაატარა, რომელთაგან 19 ძირითად შემადგენლობაში დაიწყო. გაიტანა 3 გოლი, ყველა მათგანი პირველ 5 შეხვედრაში.

დი მარიამ კარში 36-ჯერ დაარტყა, მათგან მხოლოდ 16 იყო ზუსტი. მისი მომენტების რეალიზაცია არც მეტი, არც ნაკლები 8%-ს შეადგენს, ამასთან მან 10 საგოლე გადაცემა გააკეთა.

მისი ჩაწოდებები უბრალოდ საშინელებაა. 129 მცდელობიდან ზუსტი, მხოლოდ 18%-მა მიაღწია პარტნიორამდე.

ვან გაალმა არგენტინელი 12-ჯერ შეცვალა და უმეტეს შემთხვევებში ეს სწორედ ცუდი თამაშით იყო გამოწვეული. გამოდის, რომ სარეკორდო შენაძენს შესაძლოა ყველა მატჩი სათადარიგოთა სკამზე დაეწყო ეშლი იანგი ტრავმებს რომ არ შეეწუხებინა.

ეშლი ბოლო 5 შეხვედრაში ძირითად შემადგენლობაშია, რომელთაგან გუნდმა 4 მოიგო.

იანგმა მოახერხა ვან გაალის მოხიბლვა:

"ეს ის ფეხბურთელია, რომელსაც მოსწონს იმის კეთება, რასაც ავალებ"- განაცხადა ლუიმ იანგზე. "ვფიქრობ, ის მე ძალიან გამომადგება".

დი მარია????