ნებისმიერი მოთამაშისთვის მნიშვნელოვანია, როცა მის ნიჭს პროფესიონალი კოლეგა აფასებს. 1992-93 წლების სეზონიდან მოყოლებული პრემიერ ლიგაში ყოველწლიურად სახელდებოდა სიმბოლური ნაკრები, რომელშიც სეზონის გამორჩეული მოთამაშეები ხვდებოდნენ. Sportsmail-მა სცადა მსგავს ნაკრებში მოხვედრილი ფეხბურთელების სიხშირის მიხედვით ყველა დროის საუკეთესო თერთმეტეული შეედგინა.

შედეგები გასაკვირი და შესაძლოა საოცარიც იყოს.

"მანჩესტერ იუნაიტედის" ლეგენდარული მეკარე პეტერ შმეიხელი მხოლოდ ერთხელ (1993) წელს მოხვდა სიმბოლურ ნაკრებში, ისევე, როგორც დენის ბერგკამპი (1998), ამიტომ მათი დაკავშირება ყველა დროის საუკეთესო თერთმეტეულთან ძალიან რთულია.



ერიკ კანტონა და პოლ სქოულზი საკმარისად ხშირად ვერ ხვდებოდნენ სეზონის სიმბოლურ ნაკრებში, ხოლო ჯანფრანკო ძოლა - "ჩელსის" ისტორიაში" ერთ-ერთი ყველაზე გამორჩეული ფეხბურთელი - არც ერთხელ არ მომხვდარა.

როი კინი და ფრენკ ლამპარდი გაცილებით ნაკლებად ხვდებოდნენ მსგავს ნაკრებში, ვიდრე მათი კონკურენტი სტივენ ჯერარდი და პატრიკ ვიეირა.

ჩვენ შემოგთავაზებთ პრემიერ ლიგის ყველა დროის საუკეთესო თერთმეტეულს, რომელიც დაფუძნებულია იმაზე, თუ რამდენად ხშირად ხვდებოდნენ ესა თუ ის ფეხბურთელები სიმბოლურ ნაკრებში. აქვე სტივენ ჯერარდის სასახელოდ უნდა ითქვას, რომ მსგავსი ნომინაციის არსებობის 23 წლის განმავლობაში არავინ მომხვდარა უფრო ხშირად, ვიდრე "ლივერპულის" კაპიტანი.

ედვინ ვან დერ სარი (2007, 2009, 2011)

პრემიერ ლიგაში თამაშობდა: "ფულჰემისა" და "იუნაიტედის" რიგებში.

სერ ალექს ფერგიუსონმა მისი გავლენა პეტერ შმეიხელის თამაშს შეადარა, რადგან ვან დერ სარი "იუნაიტედს" ჟოზე მოურინიოს "ჩელსის" დომინირების დამხობაში დაეხმარა. ჰოლანდიელი "იუნაიტედს" 34 წლის ასაკში შეუერთდა და ის შემდეგ ოსტატურ შენაძენად აღიქვეს. ედვინმა ზედიზედ სამჯერ მოიგო პრემიერ ლიგის ტიტული და 2008 წლის ჩემპიონთა ლიგის ფინალის პენალტების სერიაში მატჩის გმირად იქცა, სადაც ანელკას გამარჯვების პენალტი აუღო.



გარი ნევილი (1996, 1997, 1998, 1999, 2005, 2007)

თამაშობდა: "მანჩესტერ იუნაიტედი"

"მანჩესტერ იუნაიტედის" გული, რომელიც კლუბს ორი დეკადის განმავლობაში დომინირებაში ეხმარებოდა. ნევილი კლუბის ლიდერი და კაპიტანი იყო როგორც მოედნის გარეთ, ისე მის შიგნით. მარჯვენა მცველი კლას 92-ს ყველაზე ხმაურიანი წევრი იყო და კარიერის დასრულების შემდეგ სატელევიზიო სივრცესა და ინგლისის ნაკრებში წამყვან ფიგურად ჩამოყალიბდა.



რიო ფერდინანდი (2002, 2005, 2007, 2008, 2009, 2013)

თამაშობდა: "ვესტ ჰემში," "ლიდსში", "იუნაიტედში"

კონტინენტის ნიჭიერმა მცველმა კარიერა "ვესტ ჰემში" დაიწყო, მაგრამ სიმბოლურ ნაკრებში პირველად 2002 წელს დასახელდა, როცა "ლიდს იუნაიტედში" წარმატებული თამაში აჩვენა. მსოფლიო ჩემპიონატზე შთამბეჭდავი თამაშის შემდეგ "მანჩესტერ იუნაიტედმა" 29 მლნ. ფუნტი გადაიხადა, რომელიც ოთხი წლის განმავლობაში პრემიერ ლიგის რეკორდად ითვლებოდა. 2000-ან წლებში ის "მანჩესტერ იუნაიტედის" წარმატების ერთ-ერთი მთავარი შემოქმედი გახდა. ახლა ქპრ-ში თამაშობს, მაგრამ როგორც მოსალოდნელია, სეზონის ბოლოს კარიერას დაასრულებს.

ნემანია ვიდიჩი (2007, 2008, 2009, 2011)

თამაშობდა: "მანჩესტერ იუნაიტედში"

"იუნაიტედის" მუშა-კაპიტანი, რომელმაც რიო ფერდინანდთან ერთად დაცვის ცენტრალურ ზონაში კლდე აღმართა. რუსული ფეხბურთიდან გადასულ ნემანია ვიდიჩს პირველ 6-თვეში გაუჭირდა, მაგრამ მალევე მოიპოვა გულშემატკივართა სიყვარული. ერთ-ერთი ყველაზე მამაცი ფეხბურთელი, ნემანია ვიდიჩი თავის სისხლსა და ხორცს დებდა იქ, სადაც სხვები შიშს მოეცვა და ამის გამო არაერთი ტრავმა გადაუტანია. როცა სერ ალექს ფერგიუსონი წავიდა, ვიდიჩმა "ინტერს" მიაშურა და იქვე აგრძელებს თამაშს.



ეშლი კოული (2003, 2004, 2005, 2011)

თამაშობდა: "არსენალი", "ჩელსი"



კრიშტიანუ რონალდუ (2006, 2007, 2008, 2009)

თამაშობდა: "მანჩესტერ იუნაიტედი"

იმდენად ბევრი რამ ჩაიდინა პრემიერ ლიგაში, რომ რთულად დასაჯერებელია, რომ მხოლოდ 6 სეზონი დაჰყო. პრემიერ ლიგის სიმბოლურ ნაკრებში ზედიზედ ოთხი სეზონის განმავლობაში სახელდებოდა, სანამ მადრიდის "რეალში" იმ დროისთვის მსოფლიოს სარეკორდო თანხად, 80 მლნ. ფუნტად არ გადაბარგდა. ხალხმა გაკვირვება ვერ დამალა, როცა სერ ალექსმა დევიდ ბექჰემი გაყიდა და მის ნაცვლად თინეიჯერი პორტუგალიელი მოიყვანა. დებიუტის შემდეგ რონალდუ არაერთხელ ახარებდა "ოლდ ტრაფორდზე" შეკრებილი ქომაგის თვალს და 2008 წელს ის მსოფლიოს საუკეთესო ფეხბურთელებად დასახელდა, რაც 2001 წლის შემდეგ პირველი შემთხვევა იყო, როცა ჯილდო პრემიერ ლიგაში მოთამაშე ფეხბურთელს ერგო. ამის შემდეგ რონალდუმ უფრო მაღალი მიზნების მიღწევას მისთვის საოცნებო კლუბში მიაშურა.



სტივენ ჯერარდი (2001, 2004, 2005, 2006, 2008, 2009, 2014)

თამაშობდა: "ლივერპული"



პატრიკ ვიეირა (1999, 2000, 2001, 2002, 2003, 2004)

თამაშობდა: "არსენალი", "მანჩესტერ სიტი"



რაიან გიგზი (1993, 1998, 2001, 2002, 2007, 2009)

თამაშობდა: "მანჩესტერ იუნაიტედი"

სტატისტიკურად პრემიერ ლიგის საუკეთესო ფეხბურთელი - ტიტულისა (13) და ჩატარებული მატჩების (632) რაოდენობის საუკეთესო მაჩვენებელი, გიგზი პრემიერ ლიგის სიმბოლურ ნაკრებში ექვსჯერ მოხვდა. ის სულ რაღაც 19-წლის ბიჭი იყო, როცა 1993 წელს 26 წლის განმავლობაში "მანჩესტერ იუნაიტედს" პირველი ტიტული მოაპოვებინა და დაბრძენებული ნახევარმცველი, როცა 2009 წელს უკანასკნელად მოხვდა სიმბოლურ ნაკრებში. ამჟამად ვან გაალის ასისტენტი გასული სეზონის მიწურულს დროებითი მწვრთნელიც იყო.



ალან შირერი (1993, 1994, 1995, 1996, 1997, 2003)

თამაშობდა: "ბლექბერნ როვერსი", "ნიუკასლ იუნაიტედი"



ტიერი ანრი (2001, 2002, 2003, 2004, 2005, 2006)

თამაშობდა: "არსენალი"



პრემიერ ლიგის ყველა დროის საუკეთესო თერთმეტეული კი საბოლოოდ ასე გამოიყურება: