"მანჩესტერ იუნაიტედის" ნახევარმცველის მომავალი ეჭვეშ დადგა, მას შემდეგ, რაც ცნობილი გახდა, რომ "ლივერპულის" დამარცხების შემდეგ ლუი ვან გაალსა და ანხელ დი მარიას შორის შელაპარაკება მოხდა.

"ენფილდზე" "წითელმა ეშმაკებმა" გამარჯვება მოიპოვეს, რაშიც დი მარიასაც მიუძღვის წვლილი - შეცვლაზე შესვლის შემდეგ მან ხუან მატას საგოლე გადაცემა მიაწოდა, ხოლო შეხვედრის მიწურულს დეილი ბლინდს გაუკეთა პასი, რომელმაც პენალტი მოიპოვა.

მიუხედავად საერთო გუნდური წარმატებისა, პირადად დი მარიას თამაშით ვან გაალი უკმაყოფილო დარჩა და თავისი უკმაყოფილება პრემიერ ლიგის ყველაზე ძვირადღირებულ ფეხბურთელთან ხმამაღლა გამოხატა.

ლუი ვან გაალს ნამდვილად აქვს ამის მიზეზი, რადგან "რეალის" ყოფილი ფეხბურთელი ცუდ ფორმაში იმყოფება, "არსენალთან" სათასო შეხვედრაში კი მან წითელი ბარათი მიიღო და თავისი გუნდი დააღალატა. რეალიბილიტირების საშუალება "ლივერპულის" წინააღმდეგ ჰქონდა, თუმცა კიდევ ერთი არასანახაობრივი მატჩი ჩაატარა.

მწვრთნელსა და ფეხბურთელს შორის უთანხმოებამ შესაძლოა იქამდე მიგვიყვანოს, რომ არგენტინელი პირველი სეზონის შემდეგ დატოვებს "იუნაიტედს".

უფრო მეტიც, თავად ფეხბურთელმაც კი გამოთქვა კლუბის დატოვების სურვილი. ანხელის შეძენა კი ფრანგულ პსჟ-ს სურს.

წყარო: M.E.N.