დეილი ბლინდმა ისაუბრა ლუი ვან გაალთან მუშაობის პლიუსებზე, ასევე გამოტყდა რომ სურს მიაღწიოს ისეთ დონეს, რომელსაც მამამისმა, დენი ბლინდმა მიაღწია.

"ხალხი ფიქრობს, რომ ლუი ვან გაალი თავის საქმეში გამოირჩევა ფეხბურთელების დაშინებით, თუმცა ეს ასე არ არის. ის ყველასთან პირდაპირია და შეიძლება ზოგიერთი ამისთვის არ იყოს მზად. თუმცა მე მომწონს მწვრთნელის ეს თვისება, რადგან მეხმარება უკეთეს ფეხბურთელად გახდომაში. ჩვენ, მთელ გუნდს გვჯერა მწვრთნელის ფილოსოფიის და ყოველ ვარჯიშზე ვცდილობთ გაუმჯობესებას. თუ ლუის რომელიმე ფეხბურთელთან რაიმე პრეტენზია აქვს, ეს ყოველთვის პროფესონალური ხასიათისაა." - გადმოგვცემს დეილი ბლინდის სიტყვებს Dailymail.co.uk.

"მე ჯერ კიდევ 5 წლის ვიყავი, როდესაც მამაჩემმა ლუი ვან გაალის ხელმძღვანელობის ქვეშ "ჩემპიონთა ლიგის" თასი აღმართა. ზუსტად არ მახსოვს ვუყურებდი თუ არა ამ მატჩს ტელევიზორში, თუმცა როცა წამოვიზარდე ხშირად ვადევნებდი ამ საოცარ მომენტებს თვალს და ვოცნებობდი, რომ როდესმე მეც მიმეღწია ასეთი წარმატებისთვის. ძალიან ვამაყობ მამაჩემით და იმით რასაც მან მიაღწია. იმედი მაქვს, რომ როდესმე მეც მერგება ასეთი პატივი."

"ყველაზე მეტად რა მაკვირვებს ინგლისში? "იუნაიტედის" მხარდამჭერები გასვლით მატჩებში, რომლებიც სულ ჩვენს გვერდით არიან. სტადიონები აქ ყოველთვის სავსეა, რაც ჩემთვის უცხო იყო. ასევე მაოცებს ინგლისური ფეხბურთის რიტმი. ჩემი დებიუტი გუნდში "ქპრ"-ს წინააღმდეგ შედგა, თამაში საკმაოდ ნორმალურ რიტმში მიმდინარეობდა, თუმცა მატჩის შემდეგ ისეთი დაღლილობა ვიგრძენი, რომელიც "აიაქსის" არცერთი თამაშის დროს არ მიგრძვნია. როდესაც "სიტისთან" ვთამაშობდით, მოედნიდან კრის სმოლინგი გააძევეს და მაშინ გავიფიქრე 'აი ახლა იქნება ნამდვილი სისწრაფე', თუმცა ვფიქრობ იმ მატჩში ჩემ სამუშაოს კარგად გავუმკლავდი."

წყარო: Redevils.ru