კვირას, "ლივერპულთან" მატჩში შესრულებული დუბლის წყალობით ხუან მატა ისტორიაში შევიდა. ის გახდა რიგით მე-5 მოთამაშე, რომელმაც ენფილდზე "ლივერპულის" კარის აღება 2-ჯერ შეძლო. "მანჩესტერ იუნაიტედის" ოფიციალურმა საიტმა გამოაქვეყნა ვიდეო, სადაც ასახულია ათივე ისტორიული გოლი.

გარი პალისტერი: "ლივერპული" - "იუნაიტედი" 1:3 (19 აპრილი 1997)

18 წლის წინ, ცენტრალური უკანახაზელის შესრულებული დუბლი. "იუნაიტედიდან" მე-3 გოლი ენდი კოულმა გაიტანა.

ენდი კოული: "ლივერპული" - "იუნაიტედი" 1:3 (6 დეკემბერი 1997)

კოულმა მატჩში ანგარიშიც გახსნა და საბოლოო შედეგიც დააფიქსირა. "იუნაიტედიდან" მე-3 გოლი დევიდ ბექჰემის საფირმო საჯარიმოს მოჰყვა.

დიეგო ფორლანი: "ლივერპული" - "იუნაიეტდი" 1:2 (1 დეკემბერი 2002)

პირველ ჯერზე ფორლანმა დუდეკის შეცდომით ისარგებლა, ხოლო მეორე ეპიზოდში ახლო მანძილიდან აიღო მეტოქის კარი.

რიან გიგზი: "ლივერპული" - "იუნაიტედი" 1:2 (9 ნოემბერი 2003)

უელსელმა ოსტატმა მეორე ტაიმში გამოიჩინა თავი. პირველი გოლის ეპიზოდში მან დუდეკის შეცდომით ისარგებლა, როგორც ფორლანმა 2002 წელს.

ხუან მატა: "ლივერპული" - "იუნაიტედი" 1:2 (22 მარტი 2015)

ესპანელის ბრწყინვალე თამაში. პირველ ჯერზე მას გოლის გატანაში თანამემამულე ანდერ ერერა დაეხმარა. მეორე გოლის ეპიზოდში დი მარიასთან გათამაშებული კომბინაცია და აკრობატული ნახტომი. ალბათ ეს იქნება ამ შეხვედრების საუკეთესო გოლი.