გარი ნევილი ამტკიცებს, რომ "მანჩესტერ იუნაიტედის" თამაშიც ისეთივე მნიშვნელოვანი იყო, როგორც შედეგი.

ექს-მანჩესტერელის სიტყვებით, "ლივერპულის" დამარცხებას ჩემპიონთა ლიგის საგზურისთვის ბრძოლაში დიდი მნიშვნელობა აქვს.

ხუან მატას დუბლის წყალობით "წითელმა ეშმაკებმა" "ლივერპულის" დამარცხება მოახერხეს და სატურნირო ცხრილში 5-ქულიანი უპირატესობა შეიქმნეს.

"ვფიქრობ, მატჩს უდიდესი მნიშვნელობა აქვს, მართლა. არა მარტო იმიტომ, რომ "იუნაიტედმა" გამარჯვება მოიპოვა, არამედ მათ მიერ ნაჩვენები ფეხბურთის გამოც. არ მეგონა, რომ ჩავიდოდნენ "ენფილდზე" და ითამაშებდნენ ისე, როგორც ერთი კვირის წინ "ტოტენჰემის" წინააღმდეგ. "დეზები" იმ მატჩში განსაკუთრებულად ცუდები იყვნენ და არ მეგონა, რომ "ლივერპულიც" ასევე უნიათო იქნებოდა პირველ ნახევარ საათში.

ისტორიულად, "ენფილდი" "იუნაიტედისთვის" სასტარტო 25-30 წუთში ყველაზე რთული სტადიონია. ყოველთვის სირთულეები, ყოველთვის ბრძოლა და უნდა ვთქვა, რომ საწყის წუთებში "იუნაიტედი" უბრალოდ შეუდარებელი იყო.

ვფიქრობ, ეს ბევრ რამეს მეტყველებს "ლივერპულის" მოთამაშეებზე: აქტიურად პასის მიმწოდებელ მოწინააღმდეგესთან მოუხდათ თამაში და ოპონენტებს ვერ ასწრებდნენ. რამდენად ხშირად შეიძლება ასეთი რამ თქვა "ლივერპულის" საშინაო მატჩების შესახებ? ჩვეულებრივ, ბურთის ფლობაში საგრძნობი უპირატესობა აქვთ." - განაცხადა ნევილმა.

შედეგი "იუნაიტედს" საშუალებას აძლევს "არსენალთან" ჩამორჩენა 1 ქულამდე, ხოლო "სიტისთან" 2 ქულამდე შეამციროს.

გარი ნევილს მიაჩნია, რომ "მანჩესტერ იუნაიტედმა" დავალება და მიზანი არ უნდა შეცვალოს და ჩემპიონთა ლიგაზე მოხვედრაზე იფიქროს.

"ჯანსაღად რომ განვსაჯოთ, სისულელე იქნებოდა "მანჩესტერ იუნაიტედმა" უფრო მაღალ საფეხურზე, ტიტულზე რომ იფიქროს. ძველი პოზიციები უნდა შეინარჩუნონ. წინ არის თამაშები "სიტის", "ჩელსის", "არსენალის", გასვლაზე "კრისტალ პალასისა" და "ევერტონის" წინააღმდეგ. ამ თამაშებს იმიტომ არ გამოვყოფ, რომ დანარჩენები უმნიშვნელოა, არამედ იმიტომ, რომ ესენი ყველაზე რთულია.

ამ სეზონში "იუნაიტედმა" ფრე ეთამაშა "ჩელსისთან" და დამარცხდა "სიტისთან". ამიტომ "ლივერპულს" შეუძლია იმედი ჰქონდეს, რომ "ჩელსი" და "სიტი" მათ ხელს წამოუკრავს და მერსეისაიდელებს 5-ქულიან ჩამორჩენას აღმოაფხვრევინებს. მაგრამ "ლივერპულსაც" აქვს "არსენალისა" და "ჩელსის" წინააღმდეგ სათამაშო.

გამარჯვება - "იუნაიტედისთვის" დიდი სიხარულია, მაგრამ ოთხეულში ადგილი ჯერ კიდევ დასაჯავშნია. ჩემპიონთა ლიგაზე მოხვედრის შემთხვევაში სეზონი წარმატებულად ჩაითვლება. ამასთან ერთად, სწორედ ამის მიღწევა სურდა ლუი ვან გაალს." - დაასრულა ნევილმა.

წყარო: Carrick.ru