მაიკლ, "ენფილდზე" სტუმრობა - ეს ყოველთვის რთულია. რამდენად მნიშნველოვანია ეს გამარჯვება?

ჩვენთვის ეს უმნიშვნელოვანესი გამარჯვება იყო. ლივერპულთან სატურნირო ცხრილში ახლოს ვართ, მოგების შემდეგაც კი. ბედნიერები ვართ განვითარებული მოვლენებით. მართალია მეორე ნახევარი არ გამოვიდა საუკეთესო, თუმცა პირველი 45 წუთი ნამდვილად უმაღლეს დონეზე ჩავატარეთ. პატარა ჯადოქარმა გამარჯვება მოგვაპოვებინა.

ხუან, ეს "იუნაიტედში" შენი საუკეთესო მატჩი იყო?

დიახ, მე ასე ვფიქრობ, რადგან "ლივერპულთან" მატჩს ყოველთვის ძალიან დიდი მნიშვნელობა აქვს. შესაძლოა, სწორედ ეს დერბია ინგლისში ყველაზე საინტერესო. ლივერპულში ჩამოსვლა, გამარჯვების მოპოვება და ორი გოლის გატანა - ეს რაღაც დაუჯერებელი სიხარულია.

არაერთი ლამაზი გოლი გაქვს გატანილი, განსაკუთრებით კი დღევანდელ მეორე გოლს გამოვყოფდი. რომელ ადგილს დაიკავებს ეს გოლი პირადად შენი რეიტინგით?

ალბათ ერთ-ერთ მოწინავე პოზიციას იმსახურებს, რადგან ძალიან მნიშვნელოვანი გოლია. ჯერარდის გაძევების შემდეგ ვიცოდით, რომ უნდა გაგვეტანა, რადგან მეტოქე არაფრის დათმობდა ბოლო წუთებამდე.

"ლივერპულის" უმცირესობაში დარჩენამ თქვენზე უარყოფითად იმოქმედა. ასე არ იყო მაიკლ?

ასეთი რამ ხდება ხოლმე, სწორედ ამიტომაა ამ ორ გუნდს შორის შეხვედრები საინტერესო. გაძევების შემდეგაც კი, თამაშს არ დაუკარგავს ინტერესი და მნიშვნელობა. მატჩის მიწურულს შეცდომების დაშვება დავიწყეთ. გოლი მას შემდეგ გავუშვით, რაც მოედნის ცენტრში ბურთი დავკარგე. თუმცა პირველი ტაიმში მეტოქეს ბევრი პრობლემა შევუქმენით, ამიტომ ვფიქრობ თანაბარი რაოდენობის მოთამაშეების ყოფნისას ჩვენ უკეთესად ვმოქმედებდით. დღეს ჩვენთვის მთავარი რეზულტატი იყო და სახლში სამი ქულით დაბრუნება შესანიშნავი მიღწევაა.

ხუან, ბოლო პერიოდში ნაკლები სათამაშო დრო გეძლეოდა. რა როლს ითამაშებს ეს მატჩი შენს მანჩესტერულ კარიერაში?

რა თქმა უნდა, ცხადია რომ, ეს მატჩი პირადად ჩემთვისაც ძალიან მნიშვნელოვანია. გასულ თვეებში ყველაფერი ისე არ იყო როგორც ვგებმავდი, მაგრამ როგორც ყოველთვის ვამბობდი - მე დავრჩები ისეთ ფეხბურთელად, როგორიც ვიყავი: ყოველთვის ვეცდები მაქსიმალურად დავეხმარო გუნდს, დანარჩენი კი მწვრთნელის გადასაწყვეტია. დღეს გუნდის გამოც ძალიან ბედნიერი ვარ, დასახულ მიზანს მივაღწიეთ, თანაც ძალიან ძლიერ მეტოქესთან.

გილოცავ, დღეს ორი გოლი გაიტანე და დამსახურებულადაც მოიპოვე ჯილდო. მაიკლ, გადასცემ?

ყოჩაღ!

გმადლობ! გმადლობ!