"იუნაიტედის" ყოფილმა თავდამსხმელმა შეაქო "წითლების" ახალგზრდა ფორვარდი ჯეიმს უილსონი და განაცხადა, რომ ინგლისელს ყველანაირი თვისება აქვს იმისათვის, რომ სეზონში 20 გოლზე მეტი გაიტანოს.

უილსონის დებიუტი პორველ გუნდში 2013/2014 სეზონში შედგა, რაიან გიგზის ხელმძღვანელობის ქვეშ. მიმდინარე სეზონში კი მან ვან გაალის სიმპატიაც დაიმსახურა და რამდენიმეჯერ მოახერხა სასტარტო თერთმეტეულში მოხვედრა.

გასულ კვირას 19 წლის თავდამხსმელმა მონაწილოება მიიღო "იუნაიტედის" რეზერვების დაპირსპირებაში "ევერტონის" წინააღმდეგ, სადაც გოლის გატანა მოახერხა.

შერინგემი, რომელიც ამჟამად "ვესტ ჰემ იუნაიტედს" წვრთნის, დიდ ინტერესს იჩენს ახალგაზრდა ფეხბურთელების მიმართ "პრემიერ ლიგის" მასშტაბით. United Review-სთან საუბარში მან ყურადღება გაამახვილა "იუნაიტედის" ახალგაზრდა თავდამასხმელზე.

"ძალიან მომწონს ჯეიმს უილსონი. მას მცირედით არ გაუმართლა, რადგან კონკურენციის გაწევა რადამელ ფალკაოსთან და რობინ ვან პერსისთან უწევს. ცოტა ხნის წინ ვან გაალმა განაცხადა, რომ მას არ ჰყავს თავდამსხმელი, რომელიც შეძლებს სეზონში 20 გოლის გატანას, თუმცა მას არ ვეთანხმები. ვფიქრობ უილსონისა და რუნის დუეტი ამ დავალებას შესანიშნავად გაართმევს თავს."

"ის ძალიან პირდაპირია, იტანს გოლებს, აქვს შესანიშნავი სისწრაფე და არის მემარცხენე, რაც მას მცირე უპირატესობას აძლევს მცველებთან, რომელთაც ხშირად ძალიან უჭირთ მარცხენა ფეხით მოთამაშე ფეხბურთელის მოძრაობის გამოცნობა. ძალიან მომწონს მისი დამოკიდებულება თავისი საქმის მიმართ, ის კარგი ფეხბურთელია და წინ დიდი მომავალი აქვს."

წყარო: ManUtd.com