ხუან მატას ყოველკვირეული ბლოგი.
სალამი ყველას!
ეს სასიხარულო კვირა დღე საშუალებას გვაძლევს ახალი კვირა დავიწყოთ. ჩვენი მიზნის მიღწევისთვის გამარჯვება ძალიან მნიშვნელოვანია - ოთხეულში ფინიშირება, რამეთუ "ტოტენჰემი" ჩვენი კონკურენტია. მიმდინარე სეზონში ეს ჩვენი საუკეთესო პირველი ტაიმი იყო. პირველ 45 წუთში 3-ჯერ გავიტანეთ და კიდევ შეგვეძლო გატანა. გუნდი თამაშობდა სწრაფად, ინტენსიურად, შემტევ ფეხბურთს, "დეზების" პრესინგით მათსავე ნახევარზე. ძალიან მიხაროდა ჩვენი ქომაგის გამო, განსაკუთრებით ორშაბათს ინგლისის თასზე იმედგაცრუების შემდეგ.
დამარცხების შემდეგ რეაბილიტირების საუკეთესო საშუალება ლამაზი ფეხბურთი და გამარჯვებაა, რომელსაც გულშემატკიკვარს უღძვნი და "ტოტენჰემთან" მატჩში ძალიან კარგ გუნდად ყოფნის ფონზე ეს ვაჩუქეთ მათ - თქვენ! - სწორედ ეს.
პირადად საკუთარი თავის შესახებ შემიძლია ვთქვა, რომ თანაგუნდელენთან ერთად თამაში ძალიან მომეწონა, ასევე მათი დახმარება. მესმოდა თქვენი აპლოდისმენტები და მინდა მადლობა გადაგიხადოთ. "ოლდ ტრაფორდზე" ყოფნის პირველივე დღეებიდან სიყვარული ვიგრძენი და მინდა იცოდეთ: ეს გვეხმარტება, როცა მოედანზე გამოვდივართ. თქვენი აპლიდისმენტები შეცვლის შემდეგ, როცა გასახდელისკენ გავეშურე - ეს არის ის, რასაც არასდროს დავივიწყებ. დიდი მადლობა თითოეულ თქვენგანს.
ახლა კონცენტრაცია ყოველ მომდევნო მატჩზე უნდა მოვახდინოთ - ცოტა დარჩა - რათა მიზანს მივაღწიოთ: "ოლდ ტრაფორდზე" ჩემპიონთა ლიგის დაბრუნება. სატურნირო ცხრილში ჩვენს კონკურენტებსაც სურთ ეს და იმედი მაქვს, რომ "ტოტენჰემის" წინააღმდეგ ჩვენ მიერ მოპოვებული გამარჯვება თავდაჯერებას შეგვძენს მაღალი დონის ფეხბურთის თამაშისთვის.
პარასკევს მოედანზე მოვედი, რათა გულშემატკივართა მიერ ფეისბუქზე დასმულ კითხვებზე მეპასუხა. ძალიან მომეწონა თქვენი შეტყობინებების კითხვა, რომლებიც მსოფლიოს სხვადასხვა ქვეყნიდან გამომიგზავნეთ და მათ პასუხი გავეცი. შეუძლებელი იყო ყველა შეტყობინებაზე პასუხის გაცემა, მაგრამ შევეცდები, ეს თქვენთვის სიურპრიზით შევცვალო. ამ კვირაში ჩემს გვერდს ყურადღება მიაქციეთ.
შაბათს პრემიერ ლიგის მატჩებს სასტუმროში ვუყურეთ და კიდევ ერთხელ დავრწმუნდით იმაში, რომ რთულია გამარჯვება დამოუკიდებლად იმისა, თუ რა ადგილს იჭერ სატურნირო ცხრილში. იგივე შეიძლება ითქვას ლა ლიგის შესახებ: ელ კლასიკოს წინ ლიდერებს შორის სხვაობა მცირდება. "ბარსელონა" და "რეალი" თავიანთ მატჩებს იგებენ, იგებს "ვალენსიაც". ახლა მესამე ადგილზე არიან - რა შესანიშნავი სეზონია! ზოგ კლუბს ამ კვირაში ჩემპიონთა ლიგაზე თამაში უწევს, ვნახოთ, მოახდენს თუ არა გავლენას ეს მატჩები.
სანამ დაგემშვიდობებით, მინდა გირჩიოთ ყველას, ვინც მანჩესტერში ჩამოსვლას აპირებს, შეიაროს უიტვორტის გალერეაში. რამდენიმე დღის წინ იქ ვიყავი და გამაოცა კაი გუო-კიანტამ და მისმა ტექნიკურმა ხატვამ: საკუთარი ნახატებისთვის დენთს იყენებს. საერთო ჯამშიც ეს ძალიან საინტერესო და ლამაზი მუზეუმია.
ერთი კვირის შემდეგ შევხვდებით. იმედი მაქვს, რომ მომდევნო ორშაბათს "ენფილდზე" შეხვედრის შემდეგ - სეზონის ერთ-ერთი ყველაზე მნიშვნელოვანი მატჩის - ასევე ბედნიერები ვიქნებით, როგორც დღეს.
სასიამოვნო კვირას გისურვებთ.
ხუანი.
წყარო: carrick.ru