13-03-2015, 21:51

ავტორი: Rosso Diavolo,

ნანახია: 1715,

კომენტარები: 7

ვან გაალი საკუთარ გადაწყვეტილებას იცავს

ლუი ფალკაოს რეზერვისტთა კლუბში გაგზავნაზე საუბრობს.

ლუი ვან გაალმა განაცხადა, რომ რადამელ ფალკაოს რეზერვისტთა კლუბში გაგზავნა მის "დამცირებას" არ ნიშნავს.

"იუნაიტედის" გულშემატკივართა უმრავლესობა გასულ კვირას შოკირებული იყო იმის გამო, რომ მსოფლიოში ერთ-ერთი ყველაზე ცნობილი და მაღალანაზღაურებადი ფეხბურთელი "წითელი ეშმაკების" 21 წლამდელთა გუნდში ათამაშეს. ვან გაალი კი გაზეთების სათაურებს არ ეთანხმება.

"ჩემი მუშაობის ერთ-ერთი მთავარი ასპექტი არის ის, რომ მე ფეხბურთელებს მეორე გუნდში თამაშის უფლებას ვაძლევ. წავიკითხე, რომ ბევრმა გაზეთმა ამას ფალკაოს დამცირება უწოდა. მე ასე არ ვფიქრობ. ეს მწვრთნელის, კლუბის ხელმძღვანელობისა და თავად ფეხბურთელის პროფესიონალურ ქცევას ასახავს."

"ფალკაოსთან ერთად რეზერვისტთა გუნდში ვიქტორმა და რაფაელმაც ითამაშეს. ბრაზილიელმა შესანიშნავი თამაში ჩაატარა და ულამაზესი გოლიც გაიტანა. ამის წყალობით მას შეუძლია ნდობა აღიდგინოს."-განაცხადა ჰოლანდიელმა

ამავდროულად Manchester Evening News იუწყება, რომ თავად ფალკაოსაც არ აქვს იმის იმედი, რომ "მანჩესტერ იუნაიტედი" მას გამოისყიდის. ამასთან დაკავშირებით გავრცელდა ინფორმაცია, რომ ფეხბურთელის აგენტმა ხორხე მენდეშმა მოლაპარაკებები ესპანურ "ვალენსიასთან" წამოიწყო.

წყარო: fapl.ru

ინტერვიუები

7 კომენტარი

№1

ავტორი: Rosso Diavolo

13 მარტი 2015 22:38

სიახლეები: 1002
კომენტარები: 2543

რატოა დამცირება ვერ ვხვდები. ეს ფეხბურთელის ფორმაზეა დამოკიდებული და არააქვს მნიშვნელობა ვინ იქნება, მსოფლიო დონის თუ მეხუთე დივიზიონში სათამაშო კაცი.

№2

ავტორი: N10

13 მარტი 2015 22:57

სიახლეები: 63
კომენტარები: 294

რაფაელზე კარგად თქვა იმედია ცალფეხას გაათრევს

№3

ავტორი: RojoDiablo

14 მარტი 2015 00:01

სიახლეები: 7071
კომენტარები: 8687

რატომ მონათლეს დამცირებად და იმიტომ, რომ ფალკაო არის ვარსკვლავი, რომელსაც არ შეეფერება მეორე გუნდის რიგებში თამაში. კიდევ იმიტომ, რომ ვან გაალი ამ ხერხს მაშინ მიმართავდა, როცა ფეხბურთელს ტრავმა ჰქონდა და ბრუნდებოდა. ახლა კი ყოველგვარ მიზეზგარეშე გაამწესა იქ და ერთადერთი საფუძველი ჰქონდა ის, რომ ფალკაო არ არის ფორმაში. რამდენად მოახერხებს მეორე გუნდის რიგებში თამაშით ფორმის აღდგენას ეს კიდევ ცალკე საკითხია, მაგრამ თუ ამას აკეთებს ლუი, მაშინ ძირითადშიც უნდა ათამაშოს კიდეც.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№4

ავტორი: GeorgeBest

14 მარტი 2015 00:10