ჯანლუკა დი დომენიკომ, "ვოლფსბურგის" მცველის რიკარდო როდრიგესის აგენტმა განაცხადა, რომ "მანჩესტერ იუნაიტედის" ხელმძღვანელობა მათთან კონტაქტზე გავიდა, თუმცა გერმანული კლუბი 22 წლის შვეიცარელის გაყიდვას არ აპირებს.

"შემიძლია ვთქვა, რომ "იუნაიტედისგან" ზარი საჭირო ინფორმაცის მისაღებად მივიღე, თუმცა "ვოლფსბურგი" არც ერთი წინადადების განხილვას არ აპირებს. რაც შეეხება მადრიდის "რეალს", მათთან დაკავშირებით არანაირი ინფორმაცია არ გამაჩნია."-განუცხადა აგენტმა იტალიურ პრესას.

როდრიგესი გერმანულ კლუბში მარცხენა მცველის პოზიციაზე თამაშობს. შეგახსენებთ, რომ "იუნაიტედმა" გასულ ზაფხულს ამ პოზიციაზე მოთამაშე 18 წლის ლუკ შოუ 27 მილიონ ფუნტად შეიძინა. გუნდში ამ პოზიციაზე თამაში მარკოს როხოს, ეშლი იანგსა და დეილი ბლინდს შეუძლიათ.

წყარო: manutd.ru