მანჩესტერის პოლიცია ეძებს ავტორს Twitter შეტყობინებისა, რომელიც დენი უელბეკის მისამართით გამიზნული რასისტული შინაარსის სიტყვებით იყო გამოქვეყნებული.

სწორედ უელბეკმა გაიტანა "არსენალსა" და "მანჩესტერ იუნაიტედს" შორის ინგლისის თასზე გამართულ შეხვედრაში გამარჯვების გოლი, რომელმაც "მეთოფეებს" ნახევარფინალის საგზური მოუპოვა, ხოლო "წითელ ეშმაკებს" მიმდინარე სეზონში ტიტულის მოგების შესაძლებლობა წაართვა.

დენი "იუნაიტედის" აკადემიის აღზრდილია, მაგრამ გასულ ზაფხულს მთავარი მწვრთნელის პოსტზე ვან გაალის დანიშვნის შემდეგ მას კლუბი დაატოვებინეს, რადგან ჰოლანდიელი სპეციალისტის თქმით, უელბეკი "იუნაიტედის" სტანდარტებს არ შეესაბამებოდა.

"ოლდ ტრაფორდის" პუბლიკამ 24 წლის ფეხბურთელი თბილად მიიღო, თუმცა გოლის გატანის შემდეგ მის მიერ გამოვლენილი ემოცია ყველას არ მოეწონა.

სოციალურ ქსელში დენის არაერთი მუქარა და შეურაცხყოფა მიაყენეს, მათ შორის რასისტული ფორმის.

მანჩესტერის პოლიციამ უკვე დაადასტურა, რომ ამჟამად შეტყობინების ავტორის ძიება მიმდინარეობს.

წყარო: fapl.ru