სტუმრად "ნიუკასლის" დამარცხების შემდეგ "იუნაიტედი" პრემიერ ლიგაში მეოთხე ადგილს იკავებს და აქტივში 53 ქულა აქვს.

პრემიერ ლიგაში გამართულ ბოლო 18 მატჩში მხოლოდ 2 შეხვედრა წააგეს - 12 მოგება, 4 ფრე, 2 წაგება.

ინგლისის თასზე

"იუნაიტედმა" თასი 11-ჯერ მოიგო, რაც "არსენალთან" ერთად საუკეთესო მაჩვენებელია.

ტურნირის ფინალში 7-ჯერ დამარცხდნენ, უკანასკნელად 2007 წელს "ჩელსის" წინააღმდეგ 1-0.

ინგლისის თასზე ასპარეზობა გასულ სეზონში მესამე რაუნდში დაასრულეს, როცა "სუონსისთან" სახლში 1-2 დამარცხდნენ.

ინგლისის თასის მიმდინარე გათამაშებაში "იუნაიტედი" მესამე რაუნდში ჩაერთო და "იოვილი" 0-2 დაამარცხა, მე-4 რაუნდში "კემბრიჯთან" გასვლაზე 0-0 ითამაშა, ხოლო გადათამაშებაში 3-0 სძლია, მე-5 რაუნდში კი "პრესტონი" გასვლაზე 3-1 დაამარცხა.




მე-3 ადგილი, 54 ქულა (პრემიერ ლიგა)

უკანასკნელი 6 შეხვედრა (ყველა ტურნირი: მ-მ-მ-წ-მ-მ

გასვლაზე ქპრ-ს დამარცხების შემდეგ პრემიერ ლიგაში მესამე ადგილს იკავებს და აქტივში 54 ქულა აქვს.

"მეთოფეებმა" პრემიერ ლიგაში ჩატარებულ ბოლო 10 მატჩში 8 შეხვედრა მოიგეს.

ინგლისის თასზე

"არსენალმა" ინგლისის თასი 11-ჯერ მოიგო, რაც "იუნაიტედთან" ერთად რეკორდული მაჩვენებელია. ამასთან ერთად ლონდონელები ტურნირის მოქმედი გამარჯვებულები არიან.

არსენ ვენგერის ხელმძღვანელობის ქვეშ "არსენალი" ინგლისის თასის მე-6 რაუნდში 11-ჯერ გავიდა. 10-დან 9 ასეთ შემთხვევაში "მეთოფეები" ნახევარფინალში გადიოდნენ.

ტურნირის მიმდინარე გათამაშების მესამე რაუნდში "არსენალმა" "ჰალ სიტის" 2-0 სძლია, მეოთხე რაუნდში "ბრაიტონს" 2-3, ხოლო მეხუთე რაუნდში "მიდლსბროს" 2-0.






წამყვანი ბომბარდირები: რუნი -11 გოლი (10 ლიგაში)

ინგლისის თასზე ჩატარებულ ბოლო რვა შეხვედრაში რუნიმ 7 გოლი გაიტანა.

უეინ რუნის "არსენალისთვის" პრემიერ ლიგის ყველა სხვა ფეხბურთელზე მეტი გოლი აქვს გატანილი - 11 გოლი, მათ შორის "მეთოფეების" წინააღმდეგ ინგლისის თასზე ჩატარებულ სამივე შეხვედრაში - 2005 წლის პენალტების სერიაში და სხვა ორ მატჩში.

"იუნაიტედისა" და "არსენალის" დაპირისპირებაში რობინ ვან პერსიმ ბოლო შვიდ მატჩში 5 გოლი გაიტანა.

"არსენალის" წინააღმდეგ სასტარტო შემადგენლობაში ჩატარებულ ბოლო 5 მატჩში ხუან მატამ 4 გოლი გაიტანა და 2 საგოლე გადაცემა გააკეთა.




წამყვანი ბომბარდირი: ა. სანჩესი - 19 გოლი (13 ლიგაში).

ინგლისის თასზე ჩატარებულ ბოლო 11 მატჩში ოლივიე ჟირუმ 7 გოლი გაიტანა და 4 საგოლე გადაცემა გააკეთა.

თუ მოედანზე დენი უელბეკი გავა, თავისი ყოფილი გუნდის წინააღმდეგ ითამაშებს.

ურთიერთშეხვედრები

გუნდები ერთმანეთს ყველა ტურნირზე 219-ჯერ შეხვდნენ. "იუნაიტედის" ანგარიშზე 93 მოგებაა, "არსენალმა" 78 მატჩი მოიგო, ხოლო 48 მატჩი ფრედ დასრულდა.

ყველა ტურნირის მასშტაბით ჩატარებულ ბოლო 15 შეხვედრაში "იუნაიტედმა" 11 მოიგო, 3 ფრედ დაასრულა და 1 წააგო.

კენჭისყრამ გუნდები ინგლისის თასზე ერთმანეთს მეცამეტედ შეახვედრა. "არსენალმა" 6-ჯერ იმარჯვა (ერთხელ პენალტების სერიაში), "იუნაიტედმა" კი შვიდჯერ.

ინგლისის თასზე გუნდები ერთმანეთს 14-ჯერ შეხვდნენ. 7 მატჩი "იუნაიტედმა" მოიგო, 5 "არსენალმა", ორი ფრედ დასრულდა.

მოწინააღმდეგეები ინგლისის თასის ფინალში ორჯერ შეხვდნენ ერთმანეთს (ორივეჯერ "არსენალმა" მოიგო) და შვიდჯერ ნახევარფინალში (მომდევნო ეტაპზე ყოველთვის "იუნაიტედი" გადიოდა).

ინგლისის თასზე "არსენალის" წინააღმდეგ ჩატარებულ ბოლო ოთხ შეხვედრაში "იუნაიტედმა" ყველა მატჩში მოახერხა კარის "მშრალად" შენახვა.

"ოლდ ტრაფორდზე" "არსენალის" წინააღმდეგ ჩატარებულ ბოლო 10 შეხვედრიდან "წითელმა ეშმაკებმა" 9 მოიგეს.

გუნდების უკანასკნელი შეხვედრა პრემიერ ლიგაში

"არსენალი" 1-2 "იუნაიტედი"

22 ნოემბერი, 2014 წელი
მსაჯი: მაიკ დინი
გოლი "არსენალის" რიგებში: ჟირუ 90'
გოლები "იუნაიტედის" რიგებში: გიბსი 56' (ავტოგოლი), რუნი 85'

გუნდების უკანასკნელი შეხვედრა ინგლისის თასზე

"იუნაიტედი" 2-0 "არსენალი"

ინგლისის თასის მე-6 რაუნდი
12 მარტი, 2011 წელი.
მსაჯი: კრის ფოი.
გოლები "იუნაიტედის" რიგებში: ფაბიო და სილვა 28', რუნი 49'.

მსაჯთა ბრიგადა:

მთავარმა მსაჯმა მაიკლ ოლივერმა ყველა ტურნირზე 26 მატჩი იმსაჯა, 99 ყვითელი და 5 წითელი ბარათი აჩვენა.

გვერდითი მსაჯები: ჯეკ კოლინი, გარი ბესუიკი

სათადარიგო მსაჯი: კრეიგ პოუსონი.

პრომო