"მანჩესტერ იუნაიტედის" ყოფილმა ნახევარმცველმა, პოლ სქოულზმა კიდევ ერთხელ მიმართა "წითელი ეშმაკების" მთავარი მწვრთნელის კრიტიკას.

"ნიუკასლის" წინააღმდეგ მოპოვებულმა გამარჯვებამ "იუნაიტედს" ოთხეულში ადგილი შეუნარჩუნა, რის გამოც ვან გაალს კმაყოფილება არ დაუმალავს, თუმცა პოლს უფრო მეტი სურს.

"არა, ვან გაალის ამბიციებს საკმარისად არ ვთვლი. მის ინტერვიუს რომ ვუყურებ, მგონია, რომ მეოთხე ადგილზე ყოფნით მართლაც ბედნიერია.

ეს კლუბი ლიგაში გამარჯვებაზე უნდა აცხადებდეს პრეტენზიას. მან ხომ 150 მლნ. ფუნტი დახარჯა.

თუმცა ვან გაალს ამ წელს ვაპატიებ. მან რამდენიმე ახალი ფეხბურთელი იყიდა, რომელთაც ადაპტაციისთვის დრო სჭირდებათ, თავად ლუისაც სჭირდება დრო.

მაგრამ თუ მომდევნო წელსაც ვერ იბრძოლებენ ჩემპიონობისთვის, შეიძლება ვთქვათ, რომ რაღაც ისე ვერ არის." - განაცხადა სქოულზმა.

წყარო: fapl.ru