"ნიუკასლის" მარჯვენა მცველი დარილ იანმაატი მიიჩნევს, რომ თუ ვან გაალს დროს მისცემენ, იგი "მანჩესტერ იუნაიტედთან" ერთად ტიტულების მოგებას შეძლებს.

მცველი 2014 წლის მსოფლიო ჩემპიონატზე ვან გაალის ჰოლანდიის ნაკრების ერთ-ერთი ძირითადი ფეხბურთელი იყო. ახლა კი 4 მარტს, "სეინტ ჯეიმს პარკზე" იანმაატი ყოფილი მწვრთნელის გუნდს დაუპირისპირდება.

"ვფიქრობ, მათ დიდი გუნდი ჰყავთ, რომელიც ფანტასტიური ფეხბურთელებით არის დაკომპლექტებული."

"გარდა ამისა, ლუი ვან გაალიც ფანტასტიურია. მას მხოლოდ ცოტა დრო სჭირდება. ის ჯერ კიდევ ახალია და დროის მიცემის შემდეგ დარწმუნებული ვარ, "იუნაიტედისთვის" იგი პრიზებს მოიპოვებს."

"შესანიშნავი მწვრთნელია, რომელსაც ბრწყინვალე კარიერა ჰქონდა. მასთან მუშაობის დროს ძალიან ბედნიერი ვიყავი და მის შესახებ ცუდს ვერ ვიტყვი. ის ერთ-ერთი საუკეთესო მწვრთნელია, ვისთანაც ოდესმე მიმუშავია და კარგი იქნება, თუ მის ტაქტიკურ სამუშაოს დაინახავთ."

"მან ყოველთვის იცის, თუ რა გააკეთოს მატჩის მოსაგებად."-განაცხადა იანმაატმა

წყარო: Goal.com