"მანჩესტერ იუნაიტედი" ხვალ "ნიუკასლს" ეწვევა, ფილ ჯონსი კი მეტოქისგან, რომელიც მიმდინარე სეზონში რამდენიმე ხმაურიანი გამარჯვებით გამოირჩა, რთულ დახვედრას ელოდება.

"სათამაშოდ ძალიან რთული მატჩია, განსაკუთრებით ღამით. ბევრი მაყურებელი, დიდი სტადიონი და დიდი მოედანია. როცა იქ ჩადიხარ, არასდროს იცი რას უნდა ელოდე. ეს კი მხოლოდ მათ აძლევთ სარგებელს, ჩვენ ამას დიდი ყურადღება უნდა მივაქციოთ და თამაშს პოზიტიურად მივუდგეთ."

გასულ სეზონში "წითელმა ეშმაკებმა" "ნიუკასლი" გასვლით მატჩში 0-4 დაამარცხეს და ჯონსი თვლის, რომ ლუი ვან გაალის შეგირდები ამას მოტივაციისთვის გამოიყენებენ, თუმცა დიდი ყურადღება უნდა მიაქციონ მუსა სისოკოს, რომელი "ნიუკასლის" ნახევარდაცვის ლიდერია.

"ვფიქრობ, სისოკო მათთვის დიდი ფეხბურთელია. სწრაფად მორბენალი, ძალიან აგრესიული და ძლიერია - ალბათ მათი მთავარი ფეხბურთელია. გასული სეზონის მატჩის ვიდეომასალას ვუყურეთ, სადაც ვნახეთ, თუ რაში ვიყავით კარგები და რა უნდა გავაუმჯობესოთ. იმ მატჩში ვდომინირებდით, მიუხედავად იმისა, რომ საუკეთესო ფორმაში არ ვიყავით. ჩავედით, კარგად ვითამაშეთ და 4-0-ით გავიმარჯვეთ. იმედია, ამას გავიმეორებთ." - განაცხადა ჯონსმა.

წყარო: manutd.com