”იუნაიტედის” მწვრთნელმა, სერ ალექს ფერგიუსონმა თქვა, რომ ახალგაზრდა ბრაზილიელს მთავარი გამოცდა წინ აქვს - მან ხომ მსოფლიოში ერთ-ერთი საუკეთესო ფეხბურთელი, რონალდო უნდა გაანეიტრალოს.

შოტლანდიელმა განაცხადა, რომ იგი სრულად ენდობა რაფაელს, რადგან მისი პროგრესი ამ ბოლო დროს თვალსაჩინოა. ”მე უნდა გამოვტყდე, რომ რონალდო საუკეთესო ფეხბურთელია ”რეალში” და ჩვენ ვიცით მის შესახებ ყველაფერი. მე ვუყურებდი მის ვარჯიშს და თამაშს ყოველ დღე, შესაბამისად ვიცი ყველაფერი რასაც აკეთებს და რისი გაკეთებაც უნდა.” -ციტირებას უკეთებს ფერგიუსონის სიტყვებს The Sun.

”რათქმა უნდა, ჩვენ ვერ დავჯერდებით ამ ცოდნას. მაგრამ ჩვენ ასევე გვყავს რაფაელი, რომელიც ამ სეზონს შესანიშნავად ატარებს. იგი არის სწრაფი, აგრესიული და მჯერა, რომ მას შეუძლია ამ საქმის გაკეთება.ასევე არასწორია მხოლოდ რონალდოზე ფიქრი. ჩვენ გვყავს ჩვენი გუნდი და ჩვენი თამაში.გვყავს უეინ რუნი და რობინ ვან პერსი-ეს ხომ ჩვენი დიდი პლიუსია.მე დარწმუნებული ვარ, რომ ჟოზეც ფიქრობს მათზე.”