Sky sports-ის ექსპერტი, პოლ მერსონი "ნიუკასლისა" და "მანჩესტერ იუნაიტედის" მატჩის შესახებ თავის მოლოდინს გვიზიარებს.
"წითელი ეშმაკები" "სანდერლენდის" დამარცხების შემდეგ "სენტ ჯეიმს პარკზე" "ნიუკასლს" ეწვევიან.
ლუი ვან გაალის შეგირდებს ჩემპიონთა ლიგის ზონაში დარჩენისთვის გამარჯვება სჭირდებათ, თუმცა პოლ მერსონს მიაჩნია, რომ "იუნაიტედი" ამას ვერ მოახერხებს.
"სანდერლენდთან" მატჩში "მანჩესტერ იუნაიტედი" კარგი იყო, მაგრამ რაღაც მაინც აკლია. ანხელ დი მარიას კიდევ ერთი საშუალება ეძლევა იმისთვის, რომ კრიტიკოსებს უპასუხოს. მისი თავდაჯერებულობა ძალიან დაბალია და ამას ყველა გრძნობს.
ეს მსოფლიოს ყველაზე რთული ჩემპიონატია და ანხელის ცუდი ფორმა ამას ამტკიცებს. გასულ სეზონში "რეალის" რიგებში თამაშისას მიეჩვია, რომ მისი გუნდი 2-0-ით ან 3-0-ით ამარცხებდა ყველას და სერიოზულ წინააღმდეგობას არ აწყდებოდა, აქ კი ყველაფერი რთულადაა.
"ნიუკასლი" სატურნირო ცხრილის შუაში იმყოფება და თავს კომფორტულად გრძნობს. "ასტონ ვილას" წინააღმდეგ უკანასკნელი შეხვედრა მოიგეს და ვგრძნობ, მომდევნო მატჩშიც მიაღწევენ წარმატებას."