ხუთშაბათს "მანჩესტერ იუნაიტედთან" ახალი კონტრაქტის გაფორმების შემდეგ ტაილერ ბლეკეტი იმედოვნებს, რომ თავის გუნდს დაეხმარება, როგორც პრემიერ ლიგაში, ისე საერთაშორისო არენაზე.

"წითელი ეშმაკების" პირველი გუნდის რიგებში დებიუტის შემდეგ ტაილერმა რამდენიმე მატჩი კიდევ ჩაატარა და ამჟამად მის ანგარიშზე პრემიერ ლიგაში ჩატარებული 10 შეხვედრაა.

ბლეკეტი მოხარულია იმით, რომ პირველი გუნდის მცველებთან ერთად თამაშის საშუალება აქვს იმედოვნებს, რომ მომავალშიც ასე იქნება.

"მომწონს სხვა მცველებთან ერთად მუშაობა, რადგან მათ ეს ყველაფერი უკვე გამოიარეს. მათგან მაგალითს ვიღებ და ვიმედოვნებ, შემადგენლობაში ადგილისთვის შევებრძოლები. პირველ გუნდში ადგილის მოპოვება მსურს.

მინდა, ინგლისის ნაკრების რიგებში მიწვევა მივიღო და ისეთი ძლიერი გუნდის რიგებში დავმკვიდრდე, როგორიც "მანჩესტერ იუნაიტედია". ვიცი, რომ ყველაფერი მაქვს, რაც ამ გუნდში წარმატების მისაღწევად მჭირდება.

ყველა მწვრთნელი მეხმარება და იმედი მაქვს, დიდი მიღწევები მექნება. უნდა გავაგრძელო საკუთარ თავზე მუშაობა, კონცენტრაციის შენარჩუნება და სამწვრთნელო შტაბის მითითებების მოსმენა. ყველაფერს სერიოზულად ვეკიდები, რასაც მეუბნებიან." - განაცხადა ბლეკეტმა.

წყარო: carrick.ru