განლაგება

"სანდერლენდის" წინააღმდეგ ლუი ვან გაალის გუნდმა 4-2-3-1 სქემით ითამაშა.


ფალკაო - ცენტალური ფორვარდი - რუნი - სიღრმეში, ვინგერების კომპანიაში: იანგი და დი მარია. საყრდენი ნახევარმცველების წყვილი: ერერა და ბლინდი.



სეზონის დასაწყისიდანვე "მანჩესტერ იუნაიტედის" პირველი პასის პრობლემას აღვნიშნავთ. იქნება ეს 3-5-2 თუ 4-4-2 რომბი, ვარიანტი ერთია:

საკუთარი კარის სიახლოვეს ჩადის ბლინდი, რომელიც შეტევას იწყებს. თუ მოწინააღმდეგე ავიწროვებს ჰოლანდიელს ან მის ნაცვლად მოედანზე კერიკია, მეკარე ან მცველები იძულებულნი არიან პირველი პასი თავად გააკეთონ და თამაში ჩაგდებებს ემსგავება, ვან პერსისა და ფელაინის ასეთი პასების დაჭერის უნარი ნამდვილად აქვთ, მაგრამ ხშირად ამას არაფერი სიკეთე არ მოჰყვება.

ზედიზედ მეორე მატჩია გუნდი სხვაგვარად მოქმედებს:

ფლანგის მცველები მაღლა განლაგდებიან, მოედნის ცენტრთან ახლოს და საწყის ფაზაში მონაწილეობას არ იღებენ. ცენტრალურ მცველებთან დასახმარებლად კი არა მარტო ბლინდი, არამედ მეორე საყრდენი ნახევარმცველი ანდერ ერერაც ჩამოდის.



ორი აქტიური ფეხბურთელის არსებობა, რომლებიც მუდმივად იხსნებიან და კარგად ურთიერთქმედებენ, ცენტრალურ მცველებს საქმეს უიოლებს - არ არის პრესინგიდან თავის დასაღწევად გრძელი პასისთვის მიმართვის აუცილებლობა, შესაძლებელია რომელიმე მათგანს მიაწოდონ პასი, ან თავად წავიდნენ წინ, თუ ამას სიტუაცია მოითხვოვს, რაც არაერთხელ გააკეთა სმოლინგმა.

აღსანიშნავია, რომ "სანდერლენდმა" პრესინგისთვის ოთხ ფეხბურთელს მიმართა. მიუხედავად დასაწყისში მცირე ნერვიულობისა, "იუნაიტედს" ეს პრობლემას არ უქმნიდა. მცირე პრობლემებს განიცდიდა ჯონი ევანსი და მასთან დაკავშირებით კითხვის ნიშნები არსებობს, მაგრამ ეს არა მარტო გუშინ, არამედ შვიდია წელია ასეა.

პირველი ტაიმი

გადავწყვიტეთ პირველი ტაიმის საგოლე მომენტები დაგვეთვალა და კლასიფიკაციის მიხედვით დაგველაგებინა:

3:35 - დი მარიას მიერ ჩაწოდებული კუთხურის შემდეგ რუნის დარტყმა, ბურთმა ძელთან ახლოს ჩაიარა.

11:45 - სახიფათო ჩაწოდება დი მარიასგან, მაგრამ როხო შორეულ ძელთან დახვედრას ვერ ახერხებს, დამატებაზე იანგი თამაშობს.

24:55 - დი მარია პასს აწვდის ვალენსიას, ხდება საჯარიმოში ჩაწოდება, მეკარის საჯარიმოს კუთხიდან იანგის დარტყმა. ხარიხა, ერერას დამატება.

29:30 - კარის წინ სახიფათო ზონაში ჯარიმა, რომელიც დი მარიამ გამოიუმუშავა. თავად შეასრულა. დატყმა კარს ასცდა.

33:10 - როხოს ჩაწოდების შემდეგ დი მარიას დარტყმა საჯარიმოდან. მცველმა დაბლოკა.

37:30 - ერერას მიერ გამომუშავებული საჯარიმო დარტყმა კარის წინ არსებულ სახიფათო ზონაში. დაარტყა რუნიმ. მეკარემ კუთხურზე გადაიყვანა.

38:30 - იანგის მიერ მოწოდებული კუთხურის შემდეგ როხოს დარტყმა, ბურთი მცველს კარის ხაზიდან გამოაქვს.

ბოლო 5 წუთში შეიქმნა ორი პოტენციურად საგოლე კონტრ-შეტევა, რომელიც სათვალავში მისაღები არ არის. პირველ შემთხვევაში არაზუსტი პასი გააკეთა რუნიმ, მეორე შემთხვევაში, უფრო სახიფათოში - დი მარიამ. მის შესახებ მოგვიანებით ცალკე ვისაუბრებთ.

ახლა კი შევაჯამოთ: სტანდარტულებიდან 4-ჯერ შეიქმნა გოლის გატანის შესაძლებლოა (2 კუთხური, 2 საჯარიმო), 4-ჯერ პოზიციური შეტევიდან (3-ჯერ საჯარიმოდან განხორციელდა დარტყმა, ერთხელ მის ფარგლებს გარედან), ეს არის პირველი ტაიმის სტატისტიკა, რომელშიც გუნდმა სტვენა დაიმსახურა.

სტვენა ტრიბუნებზე

იანგის წარუმატებელი კუთხური. ბლინდი ბურთის შენარჩუნებას და უკან პასის მიწოდებას ახერხებს. ევანსი, რომელსაც მოწინააღმდეგე ავიწროვებს, ვერაფერს იფიქრებს უკეთესს, ვიდრე დე ხეასთვის ბურთის მიცემაა.

ასეთი სიტუაცია "ოლდ ტრაფორდს" არ მოეწონა. ვან გაალი ისე იყო მომხდარით გატაცებული, რომ ყურადღება არ მიუქცევია.



ანხელ დი მარია

არგენტინელის ყველა შეცდომის ზედმიწევნით განხილვას აზრი არ აქვს.

"დი მარია თამაშში ვერ შევიდა" - ვან გაალი.

პირველ ტაიმში "იუნაიტედის" შეტევათა უმრავლესობა მასზე მიმდინარეობდა. პირველ წუთებში ანხელს სულ ერთი წარმატებული ჩაწოდება გამოუვიდა, ვერც ერთხელ ვერ მოახერხა მოწინააღმდეგისთვის გვერდის ავლა, წააგო ყველა ორთაბრძოლა და უხიფათო სიტუაციებში კარგავდა ბურთს.

აღვნიშნოთ, რომ დი მარია, რომელიც მარჯვენა ვინგერის ფუნქციებს ითავსებდა, ხშირად იწევდა ცენტრში. შესაძლოა ეს მწვრთნელის დავალებაა, მაგრამ ეპიზოდებში ამას არავითარი რიცხობრივი უპირატესობა არ მოსდევდა, პლუს თავად ართმევდა საკუთარ თავს თავისუფალ სივრცეს. მის ფლანგზე კი მარტო მყოფი ვალენსია რჩებოდა. იანუზაი, რომელიც შესვენების შემდეგ შემოვიდა, ასეთი რამის უფლებას არ აძლევდა თავს და ფლანგზე მკაცრად მოქმედებდა.



ჩვენი შვიდიანის მიერ შენელებული კონტრ-შეტევაც გავიხსენოთ.



ყვითელი ფერით გამოყოფილია ოპტიმაური გადაცემები: თავისუფალ ზონაში ჩარბენილი იანგისა და იქვე მყოფი ფალკაოსთვის.

არამგონია ვინმეს ეჭვი ეპარებოდეს დი მარიას ნიჭში, მაგრამ მისი ადაპტირებისთვის საჭირო დროის მოთმენა გაცილებით იოლი იქნებოდა, სკამზე კიდევ ერთი ესპანურად მოსაუბრე ბიჭი რომ არ მჯდარიყო, რომელსაც ადაპტირებისთვის დრო სულაც არ სჭირდება და არანაკლებ ნიჭიერია.

მეორე ტაიმი

მეორე ტაიმის მთავარ მოვლენად იანუზაის შემოსვლა იქცა. შეტევის მარჯვენა ფრთა მაშინვე ამუშავდა. ვან აანჰოლტმა, რომელიც არავითარ საშუალებას არ აძლევდა დი მარიას რამე მოემოქმედებინა, ადნანს მხოლოდ ერთხელ შეუშალა ხელი და ისიც დამატებით დროში.

ადნანი რეგულარულად ხან თავად იჭრებოდა, ხან ვალენსია გაჰყავდა საჯარიმოს კუთხეში მწვავე პოზიციაზე. მის აქტივში 4 დარტყმაა, რომელთაგან ერთ-ერთს რუნიმ დაამატა. მაგრამ პირველი ხანგრძლივი შეტევაც, რომელიც პენალტით და გოლით დასრულდა, მარჯვენა ფლანგიდან განხორციელდა.



აღსანიშნავია, რომ იანუზაიმ კარიერის საუკეთესო მატჩები მარცხენა ფლანგზე ჩაატარა.

გაძევების შემდეგ "იუნაიტედის" უპირატესობა ბურთის ფლობაში ტოტალური გახდა. მომენტები ერთი მეორის მიყოლებით იქმნებოდა.



ეს არის "მანჩესტერ იუნაიტედის" 28 დარტყმა, რომელსაც, რა თქმა უნდა, "თამაში არ აქვს".

მეორე გოლი 10 გადაცემის შედეგია. ყველა - გრძელი პასი.



ბლინდი - ერერა

ბიჭები გარანტიას ქმნიან საჯარიმოდან სწრაფი ამოსვლისა, ბურთის კონტროლისა და შეტევაში სისწრაფისა.

დეილი ბლინდის 103 პასი, 95 ზუსტი.



ანდერ ერერას 100 პასი, 90 ზუსტი.



ორივე მათგანმა ორ-ორჯერ დაარტყმა კარში.

Are you watching Michael Carrick?

თუ ვინმეს უარყოფითის დანახვა სურს, ალბათ იტყვის, რომ ბლინდი-ერერა საკმაოდ სუსტები არიან და მათი "მოხსნა" ადვილი იქნება. ალბათ, მომავალში გავიგებთ.

ასევე უნდა აღინიშნოს, რომ "სუონსის" მეორე გოლი მათ სინდისზეა და "სანდერლენდის" ერთადერთი სახიფათო მომენტიც ერერას შეცდომას მოჰყვა.



დი მარიამ დაკარგა ბურთი, მაგრამ არ გამოეთიშა. თითქოსდა შეტევას არავითარი ხიფათი არ მოჰყვება, მაგრამ ერერა არასწორად განლაგდა და მოწინააღმდეგის აჩქარება გამოტოვა. ბლინდი და ევანსი ნახევარპოზიციაზე იმყოფებოდნენ. საბედნიეროდ, დე ხეა ადგილზეა.

რუნი - ფალკაო

უეინი, რომელმაც ორი გოლი გაიტანა, გულშემატკივარმა მატჩის საუკეთესო ფეხბურთელად დაასახელა. მაგრამ სინამდვილეში ვერ ვიტყვით, რომ განსაკუთრებულად კარგი იყო. რუნი მაიკ ტაისონს მაგონებს, რომელმაც კარიერა განაახლა: მძიმე, შეცდომების დამშვები, მაგრამ ჯერ კიდევ შეუძლია მოწინააღმდეგე ერთი დარტყმით გათიშოს.

დაკარგვებისა და წარუმატებელი მოქმედებების რიცხვით, კაპიტანი ანხელ დი მარიას შემდეგ მეორე ადგილს იკავებს. ერთ-ერთ ასეთ ნაკლს დე ხეას კართან სახიფათო მომენტი მოჰყვა.

საყრდენ ზონაში ექსპერიმენტებს სიკეთე არ მოჰყოლია. როგორც სერ ალექსი ამბობდა, საჭიროა 4-5 მატჩი, რათა ტრავმის შემდეგ გონს მოეგო. როგორც ჩანს, საყრდენ ზონაში თამაში მისთვის დაზიანების ტოლფასია. სასიხარულოა, რომ მესამე თამაშში მაინც დაიწყო რუნიმ კარში ხშირად დარტყმა. გასული სეზონის სტატისტიკის მიხედვით, ტოპ-5 ჩემპიონატში, რუნის, მესისა და სუარესს საჯარიმოს გარედან დარტყმების საუკეთესო რეალიზაცია აქვთ - ყოველი მეშვიდე გოლით სრულდებოდა. შეტევაში დაბრუნების შემდეგ მესამე მატჩში როგორც ჩანს კაპიტანს გაახსენდა ეს.

ფალკაომ, რომელმაც პენალტი მოიპოვა, კიდევ ერთი წარუმატებელი თამაში ჩაატარა. ლინეკერის პროგრამაში MOTD რადამელის თამაში განიხილეს. კოლუმბიელი დაჩაგრეს იმით, რასაც მიმდინარე სეზონის ვან პერსის უწუნებენ: ცუდად იხსნება, გადაცემისთვის საკუთარ თავს არ სთავაზობს. ბრალმდებლები იყვნენ შირერი და გულიტი. მათ კი ნამდვილად იციან რა არის შეტევაში თამაში.

დავამატოთ, რომ ფალკაო, რომელსაც ხშირად უხდება ბურთის მიღება კარისკენ ზურგით დგომისას, ასეთ სიტუაციებში ძალიან ცუდია. საუბარია არა იმაზე, თუ რატომ უხდება ბურთის მიღება სიღრმეში, არამედ იმაზე, რომ ამას ხშირად ბურთის დაკარგვა მოსდევს.

კრის სმოლინგი

ცალკეულ ხსენებას იმსახურებს. ვინ იფიქრებდა, რომ მცველი, რომელსაც სეზონის სტარტზე უმოწყალოდ ვაკრიტიკებდით, გახდებოდა არა მარტო "იუნაიტედის" საუკეთესო მცველი, არამედ ითამაშებდა კარიერის საუკეთესო ფეხბურთს.



არც ერთხელ არ წაუგია ორთაბრძოლა, თავს უფლებას აძლევდა შეტევაში ჩართულიყო, მაგრამ ვერც ერთ მათგანს ვერ ვუწოდებთ განუსჯელს.

ავტორი: ალექსანდრ კორენევი.