უეინ რუნი "ლიბერთი სტედიუმზე" ნაჩვენები შედეგით განაწყენებულია, სადაც მისმა გუნდმა მეტოქის მეკარეს ნამდვილი გამოცდა ჩაუტარა, თუმცა 1 გოლზე მეტის გატანა ვერ მოახერხა.

შეხვედრის 28-ე წუთზე ანდერ ერერამ "იუნაიტედი" დააწინაურა, თუმცა "გედებმა" 2 წუთში საპასუხო გოლი გაიტანეს.

მეორე ტაიმში "იუნაიტედის" დომინირების მიუხედავად, ჯონჯო შელვის შორეულ გასროლას, რომელსაც ბაფიტემბი გომისმა თავი დაუხვედრა, დავიდ დე ხეამ ვერაფერი მოუხერხა და "წითელი ეშმაკები" 2-1 დამარცხდნენ.

შედეგად, ისტორიაში პირველად, "სუონსიმ" "მანჩესტერ იუნაიტედს" ერთ სეზონში ორი მატჩი მოუგო.

"რა თქმა უნდა, რთულად გადასატანია. მეორე ტაიმში, გოლამდე ვფიქრობდი, რომ მოედანზე ვდომინირებდით და შესანიშნავი გოლიც გავიტანეთ. ძალიან გამიცრუა იმედი გაშვებულმა გოლმა, რომელიც ჩვენ მიერ გატანიდან მალევე გავიდა.

შესვენებაზე იმაზე ფიქრით გავედით, რომ თამაში შეგვეძლო. მეორე ტაიმში დიდი პრობლემები შევუქმენით, მაგრამ შემდეგ 30 იარდიდან გასროლით დარტყმა მოგვაყენეს. ეს ყველაფერი მოხდა და ჩვენთვის იმედგაცრუების დღე გამოდგა.

პირველ ტაიმში ანგარიშში უპირატესობა რომ შეგვენარჩუნებინა, "სუონსი" უფრო წინ წაიწევდა და სივრცეებს შეგვიქმნიდა. როგორც უკვე ვთქვი, ვფიქრობდი, რომ ვდომინირებდით, მაგრამ შესაძლოა მეკარეს საკმარისი გამოცდა არ ჩავუტარეთ მანამ, სანამ გოლი გაგვიტანეს, სწორედ ეს იყო იმედგაცრუება ჩვენს თამაშში.

თამაში ცალმხრივი იყო და ეს მოედანზე დროის გარკვეულ პერიოდში იგრძნობოდა. ზეწოლის ქვეშ მოვაქციეთ, მაგრამ საჯარიმოს კარგად იცავდნენ, რასაც ბურთისთვის სხეულის დახვედრებით აღწევდნენ. ითამაშო ასე და სახლში 0 ქულით დაბრუნდე - ეს დარტყმაა.

აუცილებელია მომდევნო კვირაში "აღსვდგეთ" ჯერ კიდევ უამრავი თამაშია წინ და ამას თავი მალე უნდა დავაღწიოთ, უნდა ვეცადოთ კიდევ ერთი წარმატებული სერია გვქონდეს და კარგ პოზიციაზე დავრჩეთ, რათა ოთხეულში ადგილი შევინარჩუნოთ." - განაცხადა რუნიმ.

წყარო: manutd.com