ლუი ვან გაალმა აღიარა, რომ რობინ ვან პერსისა და რადამელ ფალკაოს დუეტის ეფექტურობა დიდად არ აწუხებს.
"წითელმა ეშმაკებმა" უკანასკნელი 19 მატჩიდან, მხოლოდ ერთ თამაშში დამარცხდნენ, თუმცა ვან გაალი საკუთარ გუნდს პრემიერ ლიგაში საუკეთესო გუნდად მიიჩნევს, მიუხედავად იმისა, რომ მისი თავდამსხმელები სერიზული პრობლემების წინაშე დგანან.
ვან პერსიმ და რადამელ ფალკაომ წლის დასაწყისში მხოლოდ ოთხი გოლი გაიტანეს. მათი თამაში კი უკვე დიდი ხანია კრიტიკის ქარ-ცეცხლში მოექცა. თუმცა, ვან გაალი თვლის, რომ გოლი-როგორც ფორვარდებისთვის, ასევე მთელი გუნდისთვისაც დიდი პრეროგატივაა.
"მე არ ვგავარ ჩვეულებრივ მწვრთნელებს და სულაც არ მანაღვლებს ვინ გაიტანს გოლებს. როცა ჩემს მცველებს აკრიტიკებდნენ ვთქვი, რომ მცველების გარდა კარს მთელი გუნდი იცავს."
"როგორც თავდაცვა იწყება შეტევიდან, ასევე იწყება შეტევა თავდაცვიდან, რომელიც ჩვენი მეტოქის საჯარიმომდე მიგვიყვანს."-ციტირებს ვან გაალის სიტყვებზე ESPN