თბილისი:
მანჩესტერი:
20-02-2015, 11:48
ავტორი: RojoDiablo,
ნანახია: 3330,
კომენტარები: 7
სქოულზი: "არასდროს დამავიწყდება წამი, როცა მესი წავაქციე"
პოლ სქოულზის ყოველკვირეული გრაფა.
სქოულზი:
ეს იყო მომენტი, რომელიც არასდროს დამავიწყდება. გვერდზე ჩამიარა და ფეხი გამოვუდე, მესი დაეცა. ეს მოხდა "ოლდ ტრაფორდზე", 2008 წელს, ჩემპიონთა ლიგის ნახევარფინალური ეტაპის საპასუხო მატჩში, ჩვენ 1-0 ვიგებდით, ჩვენს საჯარიმოში წავაქციე.

როცა იმ მატჩში "ბარსელონას" დამარცხებაზე ვფიქრობ, როცა ვფიქრობ სერ ალექსის ეპოქაში ჩემპიონთა ლიგის მეორე ტიტულზე, ყოველთვის მახსენდება ის მომენტი. დიახ, მე ერთადერთი გოლი გავიტანე ორ მატჩში და ეს ჩემი საუკეთესო გოლიც იყო. მაგრამ არასდროს დამავიწყდება ის რამდენიმე წამი, როცა მსოფლიოს საუკეთესო ფეხბურთელმა მასზე დაჯარიმება მაიძულა და სამყაროს დაქცევას ველოდი.

"ბარსელონას" სასარგებლოდ პენალტი უნდა დანიშნულიყო და გასვლაზე გატანილი გოლით ისინი მომდევნო ეტაპზე გავიდოდნენ. მაგრამ რაღაც მიზეზის გამო, მსაჯს პენალტი არ დაუდია და თამაში გაგრძელდა, არც მესის გამოუხატავს პროტესტი. თვალზე ბინდი რამდენიმე წამში მომშორდა და მეც თამაშში დავბრუნდი.

ბოლოს მაინც გაიტანა თავისი. ჩემი კარიერის განმავლობაში მესის ოთხჯერ დავუპირისპირდი, ორჯერ 2008 წელს და თითოჯერ 2009 და 2011 წლების ჩემპიონთა ლიგის ფინალში შეცვლაზე შესვლის დროს, როცა "ბარსელონამ" ორივეჯერ კომფორტულად დაგვამარცხა. მესი მანჩესტერში მომდევნო კვირაში ბრუნდება, რათა "მანჩესტერ სიტის" კიდევ ერთხელ დაუპირისპირდეს ჩემპიონთა ლიგის მერვედფინალურ ეტაპზე და ცუდი დღე არასდროს გექნება, თუ მსოფლიოს საუკეთესო ფეხბურთელისთვის თვალის დევნება შეგეძლება.

მესის კარიერის აღსაწერად იმდენი აღმატებითი ხარისხის სიტყვები მოიძებნება, რომ იფიქრებ, სიტყვების მარაგი არ გყოფნის. ასე რომ, ეს მხოლოდ მცირედია იმისგან, რასაც სწავლობ ადამიანზე, რომელსაც ალბათ ტელევიზორიდან ყურებისას ვერასდროს შეიცნობ. პირველ რიგში, ის მოედანზე არასდროს საუბრობს. ყოველ შემთხვევაში, მე არასდროს გამიგონია მისი ხმა. მეორე რიგში, ვერც კი დაიჯერებთ რამდენად ძლიერია პატარა კაცის კვალობაზე.

სქოულზი: "არასდროს დამავიწყდება წამი, როცა მესი წავაქციე"


არ შემრცხვება იმის აღიარება, რომ "ბარსელონასთან" მატჩებში ძალიან დიდი იმედი მქონდა, ჩემს მახლობლად რაც შეიძლებოდა ნაკლებად მოუწევდა თამაში.

არ არსებობს სიტყვა, რომელიც მესის სათამაშო სტილს აღწერს. ფიქრობ, რომ მას თვალს ადევნებ და ჰოპ, ის ქრება, ბურთთან ერთად კი უცებ სხვა ადგილზე ჩნდება. როცა ცდილობ შეეჭიდო და ორთაბრძოლაში შეხვიდე, იცი, რასაც უზამს ბურთს. მის გვერდით დარჩენა პრობლემაა.

ის ფეხბურთის მწვერვალსა და ფსკერს გაურბის. იშვიათად თუ ნახავთ გოლის აღნიშვნისას ამაყს, რადგან ის ყოველთვის თავმდაბალია. ვფიქრობ, მეც ასეთი ვიყავი, როცა ვთამაშობდი. თამაში სწრაფად იცვლება და მენტალურად ისეთ პოზიციაზე უნდა იმყოფებოდე, რომ ყველაფერს გაუმკლავდე, რაც შეგხვდება.

სქოულზი: "არასდროს დამავიწყდება წამი, როცა მესი წავაქციე"


"ოლდ ტრაფორდზე" "ბარსელონას" დამარცხებამდე არასდროს მინახავს "იუნაიტედის" ასეთი კონცენტრაცია. იმ თამაშისა და "კამპ ნოუზე" გამართული პირველი მატჩის ყოველი წამისთვის თავს არ ვზოგადით და ვინარჩუნებდით პოზიციას, რომელიც მათ საფრთხეს გაანეიტრალებდა როგორც გუნდურად, ისე ინდივიდუალურად. ამაზე სერ ალექსსა და შტაბთან ერთად მთელი კვირის განმავლობაში ვმუშაობდით. ვიცოდით, რა უნდა გაგვეკეთებინა ყოველთვის. თანაც ეს ორი მატჩის განმავლობაში უნდა მოგვეხერხებინა.

ორი ფინალი განსხვავებული იყო. მომზადების დროს მათზე და ჩვენს გასაკეთებელზე ნაკლებად ვფიქრობდით. რომში კრიშტიანუ რონალდუ და უეინ რუნი გვყავდა და გვჯეროდა, რომ დავამარცხებდით. ალბათ, არ დავაფასეთ.

როცა "ბარსელონას" წინააღმდეგ სათამაშოდ ემზადები სისუსტეებს უნდა მიაქციო ყურადღება. ხერარდ პიკეს ტემპი აკლია. ხავიერ მასკერანო ნამდვილი ცენტრალური მცველი არ არის. მაგრამ ამ სისუსტეების გამოყენება მხოლოდ მაშინ შეგიძლია, როცა ბურთი შენ გაქვს. 2011 წლის მატჩში ბურთის ფლობის 37% გვქონდა, უფრო მეტი გვჭირდებოდა.

მესის განეიტრალების არავითარი კონკრეტული გეგმა არ არსებობდა, ვინც მის სიახლოვეს იმყოფებოდა, ყველას უნდა ეთამაშა. 2008 წელს რიო ფერდინანდმა ორივე მატჩში შესანიშნავად ითამაშა მის წინააღმდეგ, მაგრამ ყოველთვის ვერავინ მოახერხებს ამას. როგორც დამაგვირგვინებელი, ნაკლებად თუ მოიძებნება ფეხბურთელი, რომელიც მესიზე უკეთესია. როცა იმდენი სახის გოლის გატანა შეგიძლია, რამდენიც მესის, ნამდვილად გაქვს თავდაჯერების მიზეზი.

ხალხი ამბობს, რომ ზეწოლის ქვეშ ვთამაშობდი, როგორც მანჩესტერის ბიჭი, რომელიც ყოველ კვირას მოგებას იყო მიჩვეული. მაგრამ ეს არაფერია იმ ზეწოლასთან შედარებით, რომლის ქვეშ მესი და რონალდუ არიან. ისინი თამაშს გატანილი გოლის გარეშე ასრულებენ და ხალხს აინტერესებს, რატომ მოხდა ასე. არა მარტო ქომაგს, არამედ ყოფილ თანაგუნდელებს, ვინც მათ უკეთ იცნობს. ამას მათგან მუდამ ველოდებით და საოცარია, რომ ახერხებენ.

მესი იმდენად ცნობილია, რამდენადაც არც ერთი სხვა ფეხბურთელი, მაგრამ ამის მიუხედავად, მის შესახებ მაინც ცოტა რამ ვიცით. წამიკითხავს, რომ კარგი მეოჯახეა და ძაღლთან ერთად სეირნობა მოსწონს, მაგრამ ამის გარდა ის ნამდვილი მისტიკაა. მომწონს. განსაკუთრებით დღეები, როცა ხალხი "თვითერზე" ან სხვაგან ყველაფერს კითხულობს. დაიტოვო რაღაც შენს მიღმა - სიძლიერეა.

მოუთმენლად ველოდები "ეტიჰადზე" მის ხილვას და თუ "მანჩესტერ სიტის" გამარჯვება სურს, იმდენად კარგი კონცენტრაცია და ფოკუსირება უნდა მოახდინოს, რამდენიც არადროს გამოუჩენიათ, რათა დარწმუნდნენ, რომ სწორ დროს სწორ ადგილზე 90 წუთის განმავლობაში იმყოფებიან. პატარა "ათიანს" მხოლოდ წამები სჭირდება იმისთვის, რომ რაღაც ჩაიდინოს. და ყოველთვის იმის იმედი ვერ გექნება, რომ მსაჯი ამას ვერ დაინახავს.

რუნის რომც არ შეხებოდნენ, პენალტი იყო

როცა უეინ რუნიმ "პრესტონ ნორტ ენდის" მეკარე, ტორსტენ შტუკმანი დაინახა, რომელიც კარის ხაზიდან გამოდიოდა, გონებაში მხოლოდ ერთი აზრი უნდა ჰქონოდა: ბურთი მის უკან გადააგდე და ჯარიმა აიღე. ასეთი რამ მეც ბევჯერ გამიკეთებია ჩემი კარიერის განმავლობაში.

სქოულზი: "არასდროს დამავიწყდება წამი, როცა მესი წავაქციე"


ფეხბურთი სხვების შეცდომაზეა დამოკიდებული და შტუკმანს რაოდენ სწრაფადაც არ უნდა გამოსულიყო, უნდა გაეთვალა, რომ ბურთზე პირველი ვერ ითამაშებდა. მეკარე განუსჯელია, მაგრამ ეს არ ნიშნავს, რომ რუნის ფეხები უნდა შეეწირა, რათა შედეგი მიეღო. მიზანს ისედაც მიაღწია.

წესები არ მოიაზრებს, რომ ფეხბურთელს მაინცდამაინც უნდა შეეხონ იმისთვის, რომ სახიფათო ქმედება დადასტურდეს. რუნის მხრიდან ძალზედ მოსაწონი ქმედება არ იყო, მაგრამ მეკარის რეაქცია ნიშნავდა, რომ პენალტი იყო.

წყარი: independent.co.uk
სქოულზის გრაფა
7 კომენტარი
№1
ავტორი: RojoDiablo
20 თებერვალი 2015 11:53
  • სიახლეები: 7065
  • კომენტარები: 8687
ორი ფინალი განსხვავებული იყო. მომზადების დროს მათზე და ჩვენს გასაკეთებელზე ნაკლებად ვფიქრობდით. რომში კრიშტიანუ რონალდუ და უეინ რუნი გვყავდა და გვჯეროდა, რომ დავამარცხებდით. ალბათ, არ დავაფასეთ.


გაგიჟებულხართ და ეგ არის, თუ ეს სიმართლეა. პეპ გვარდიოლას გუნდი რამდენიც არ უნდა ვმალოთ, 21-ე საუკუნის ერთ-ერთი გამორჩეული გუნდია და შესაძლოა ითქვას, დღევანდელ დღემდე საუკეთესოც. ამ დროს ვიღაც თურმე ფიქრობს, რომ "ბარსელონა" არასათანადოდ დააფასა. გულშემატკივარზე მაინც არ იფიქრეთ? როგორ შეიძლება არ დააფასო გუნდი, რომელიც ასეთ ფეხბურთს თამაშობდა და როგორ შეიძლება არასათანადოდ მოეკიდო შესაძლებლობას, რომელიც ჩემპიონთა ლიგის ზედიზედ ორჯერ მოგებით ისტორიაში სამუდამოდ შეგიყვანს როგორც გუნდს, ისე ფეხბურთელებს. არასდროს დამავიწყდება ის დღე, როცა რომიდან დამარცხებულები ჩამოვიდა "იუნაიტედი" და ის სამი დღე, რაც მაგის გამო გადავიტანე და ახლა ვიგებ, რომ რაღაც დაუფასებლობის ბრალი იყო. angry
1
_ _ _ _ _ _ _ _ _ _ _ _ _ _ _ _ _ _ _ _
If You Can't Support Us When We Lose, Don't Support Us When We Win
№2
ავტორი: Goginashvili777
20 თებერვალი 2015 12:04
  • სიახლეები: 425
  • კომენტარები: 1577
ყოველთვის გულახდილი და მოურიდებელი პოლი hi2
რუნის შემთხვევას რაც შეეხება პენალტი არ უნდა დანიშნულიყო ჩემი აზრით
როცა მოთამაშე არ ეხება არამგონია სწორი საქციელი იყოს ჯარიმის დანიშვნა, მასე თუ ვიმსჯელებთ პოზიციური ბრძოლაც სახიფათოა, როცა ბურთისთვის იბრძვი და მოწინააღმდეგე "პატკატს" აკეთებს შეიძლება დაზარალდე, მაშინ მოერიდე და მსაჯი ჯარიმას დანიშნავს ? რა სისულელეა. მახსოვს ერთი ეპიზოდი, რომელიღაც თამაშში მცველი ბურთზე წავიდა რათა გაენიტრალებინა შეტევა, დაასწრო კიდევაც მოწინააღდმეგეს და აუტზე გადააგდო, თუმცა ის გარემარბს ფეხი მოტყდა, მცველის მოქნეული ფეხი ჯერ ბურთს შეეხო ხოლო შემდეგ მოთამაშეს.. ჯარიმა არ ყოფილა, არც ყვითელი და არაფერი თამაში გაგრძელდა და ის გარემარბი მანქანით გაიყვანეს...... უნდა გაიმეტო კი არა ბურთის გამო, მითუმეტეს თუ საჯარიმოში ხდება, მის მოსაპოვებლად ყველაფერი უნდა გააკეთო არ უნდა მოერიდო !! მსგავსი შემთხვევა რონიზე მახსენდება, როცა სიტისთან 1-1, რონალდუს ყვითელი ქონდა, ჩვენ ვუტევდით, კუთხურს გიგზი აწვდის და ძლიერი ჩაწოდება გამოდგა, რონალდოს ნახტომი ბურთს სწვდება ხელს ვერავინ უშლი და უცბად ორივე ხელით ბურთს იგერიებს და ბრახ წითელი ! მაგ შემთხვევაში რატო არ გაითვალისწინეს ის ფაქტი რო რონალდუს რო არ გააეეკეთებინა ეგრე სახეს მოაძრობდა ბურთი.

როგორი სიტუაციაა იცი ? კაცს ასამართლებდნენ არაფრის გამო, თუმცა მასზე ფიქრობდნენ "აი ამ კაცს შეუძლია მეზობელი მოკლას"
კარგით რა ფეხბურთია თუ საბალეტო დასი
0
_ _ _ _ _ _ _ _ _ _ _ _ _ _ _ _ _ _ _ _ რასაცა გასცემ შენია! , რაც არა ხო ისედაც შენია smoke
№3
ავტორი: Jubo
20 თებერვალი 2015 12:50
  • სიახლეები: 506
  • კომენტარები: 1947
ყველაზე თავმდაბალი ფეხბურთელები. ინიესტასთან ერთად
0
_ _ _ _ _ _ _ _ _ _ _ _ _ _ _ _ _ _ _ _
Giggsy 13
Gerrard 0
№4
ავტორი: AkkRed
20 თებერვალი 2015 15:43
  • სიახლეები: 74
  • კომენტარები: 4669
Goginashvili777,


ნუ ფილოსოფობ.
0
№5
ავტორი: ვახო ( G G M U)
20 თებერვალი 2015 18:48
  • სიახლეები: 0
  • კომენტარები: 4327
"არასდროს დამავიწყდება ის რამდენიმე წამი, როცა მსოფლიოს საუკეთესო ფეხბურთელმა მასზე დაჯარიმება მაიძულა და სამყაროს დაქცევას ველოდი."- პოლ არც მესის დაავიწყდება მსოფლიოს საუკეთესო ნახევარმცველის გასროლა ბარსას კარის მიმართულებით fellow
0
№6
ავტორი: GeorgeBest
20 თებერვალი 2015 21:35
  • სიახლეები: 1729
  • კომენტარები: 12134
რამდენი აქო მესი winked

არ მეგონა მეორე ფინალსაც თუ წავაგებდით, ფერგიუსონი ზედიზედ ორჯერ არ წააგებს მეთქი, მარა გადაგვირბინეს. პრინციპში მაგ გუნდთან უშანსოდ ვიყავით, მაგ ბარსელონას გამჩერებელი არავინ იყო, თუ კარში ავტობუსს არ ჩააყენებდი. ამ გუნდს თუ სათანადოდ ვერ აფასებდნენ და რავი
0
№7
ავტორი: Count Alucard
21 თებერვალი 2015 02:00
  • სიახლეები: 28
  • კომენტარები: 1979
ორივე ფინალი პირწმინდად დავთმეთ, როგორც გუნდი ჩვენზე უკეთ იყვნენ მზად და ძალიან მცირე შანსი გვქონდა წარმატების. დაუფასებლობა იყო თუ რა იყო ახლა უკვე ისტორიაა და ჩვენთვის ძალიან უსიამოვნო. 2011-ში როგორ მინდოდა რევანში აგვეღო, გვარდიოლას ბარსელონას დამარცხება ალბათ ყველაზე დიდი საჩუქარი იქნებოდა რაც მანჩესტერს შეეძლო გაეკეთებინა ჩვენთვის, მაგრამ როგორც აღმოჩნდა შეუძლებელი ყოფილა.
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

შემოგვიერთდი

წინა მატჩები

პრემიერ ლიგა

ჩამოშლა

შემოგვიერთდი

ყველა უფლება დაცულია

© MANUTD.GE 2012

Top