"მანჩესტერ იუნაიტედის" ყოფილი ფეხბურთელი, ლუი საა მიიჩნევს, რომ უეინ რუნი მოედანზე ნებისმიერ პოზიციას მოირგებს.

მიმდინარე სეზონში "წითელი ეშმაკების" კაპიტანს მოედნის ცენტრში და ნახევარდაცვის ფლანგზე ხშირად უხდებოდა თამაში, რაც განხილვის საგანი გახდა.

საა ამის შესახებ აცხადებს: "გაკვირვებული ვარ იმით, რომ რუნი თავდასხმაში არ თამაშობს. მას შეუძლია ნებისმიერ პოზიციაზე ეფექტური და მიმზიდველი ფეხბურთი აჩვენოს, მაგრამ თავდამსხმელად გაცილებით უკეთესია.

სთხოვენ ითამაშოს ყველან, რადგან ეს ნამდვილად შეუძლია. ის იმდენად მაღალი დონის ფეხბურთელია, რომ გუნდში ნებისმიერი მოთხოვნის შეთავსება შეუძლია. უეინი "იუნაიტედის" ფეხბურთელია და თუ სთხოვენ სხვადასხვა პოზიციაზე იმოქმედოს, ამას გააკეთებს."

თუ რუნის მიერ გატანილი 9 გოლი შესაძლოა მიტევებული იქნეს, რადამელ ფალკაოს პრობლემები ინგლისურ ფეხბურთში ნათელია.

მაგრამ საას, რომელსაც "იუნაიტედში" ხშირად ჰქონდა ტრავმები, ძალიან მოსწონს ფალკაო, რომელმაც ასევე ზაფხულში უმძიმესი ტრავმა მოიშუშა.

"ძალიან რთულია. შენი ცხოვრების ყველაზე რთული პერიოდია. შენ ფეხბურთელი ხარ და თამაში გსურს, მაგრამ ფიზიკურად და მენტალურად ფორმის აღსადგენად ძალიან, ძალიან ბევრი უნდა იშრომო.

უნდა დაიბრუნო თავდაჯერება და მოთამაშეებთან ურთიერთგაგება. ეს კი ძალიან რთულია. გუნდთან ერთად მთელი თავდაჯერებით უნდა იმუშავო. როცა მე ვბრუნდებოდი ტრავმის შემდეგ, მყავდა თანაგუნდელები, რომელთაც ყოველ კვირაში გაჰქონდათ გოლები. ამიტომ ნაკლები ზეწოლა მქონდა.

ფალკაოს მიმართ სიმპათიით ვარ განწყობილი და არც ეჭვი მეპარება მასში. ვიცი, რამდენად რთულია თავდამსხმელობა. ამ კლუბში ყოველთვის დიდი კონკურენცია იყო. როცა შენ ხარ კლუბში, სადაც ერთი ან ორი თავდამსხმელია და აუცილებლად დაიწყებ თამაშს, სრულიად განსხვავებულია, მაგრამ "იუნაიტედში" ასე არ ხდება. ეს ბრძოლაა.

ფალკაო ზეწოლის ქვეშაა მისი კონტრაქტის სიტუაციიდან გამომდინარე. მაგრამ მას ნამდვილად აქვს ხარისხიანი საქმის გასაკეთებლად შესაბამისი დონე." - დაასრულა საამ.

წყარო: M.E.N.