ლუი საა აცხადებს, რომ "მანჩესტერ იუნაიტედის" ამჟამინდელი თავდასხმა გოლებთან დაკავშირებით პრობლემებს განიცდის.

ფრანგი ფეხბურთელი "იუნაიტედში" ერთ-ერთი გამორჩეული ფიგურა იყო და საკმაოდ კარგ ფეხბურთს თამაშობდა.

2004 წლის იანვარში 12.8 მლნ. ფუნტად "ფულჰემიდან" სერ ალექსის მიერ მოყვანილ ყოფილ ფეხბურთელს სჯერა, რომ "წითელი ეშმაკების" ფორვარდებს გოლების გატანა უჭირთ.

"საინტერესოა. გუნდში არიან დიდი სახელის მქონე დიდებული ფეხბურთელები და არანაკლებ დიდებული პოტენციალი ჯეიმს უილსონის სახით.

მათ უფრო მეტი გოლი უნდა გაიტანონ და ამაზე იმუშავებენ. თუმცა პროგრესს ნამდვილად ვხედავ.

შესაძლოა, როცა მე ვთამაშობდი გოლის გატანა უფრო ადვილი იყო, რადგან გუნდები ნაკლებად ორგანიზებულნი იყვნენ. ახლა კი თითოეული გუნდი რთულად დასამარცხებელია. ფიზიკურად უფრო ძლიერები არიან. სტატისტიკა აჩვენებს, რომ ნებისმიერ გუნდს შეუძლია ნებისმიერი თამაშის მოგება.

ლიგა იგივე არ არის, რაც 6 წლის წინ იყო. მაშინ მხოლოდ ოთხი გუნდი იბრძოდა. ეს ვიყავით ჩვენ, "არსენალი", "ჩელსი" და ხან ვინ, ხან ვინ. ახლა გაცილებით მეტი გუნდია." - განაცხადა ლუი საამ.

წყარო: M.E.N.