"მანჩესტერ იუნაიტედის" მცველს, ჯონი ევანსს მისი გუნდის მისამართით მოსმენილი კრიტიკა არ აკვირვებს, რამეთუ მიაჩნია, რომ გუნდი უკეთეს და სანახაობრივ ფეხბურთს უნდა თამაშობდეს.
ყველა ტურნირის მასშტაბით გამართულ უკანასკნელ 19 შეხვედრაში "წითელმა ეშმაკებმა" მხოლოდ 1 მარცხი განიცადეს.
ეს ფაქტი და ასევე ის, რომ "იუნაიტედი" პრემიერ ლიგის ცხრილში მესამე ადგილზე იმყოფება, აკავებს კრიტიკას, რომელსაც ლუი ვან გაალის გუნდის თამაშის ხარისხი იმსახურებს.
"იუნაიტედის" ლეგენდამ, პოლ სქოულზმაც კი უწოდა ყოფილი გუნდის თამაშს მოსაწყენი. ევანსი ასეთი სახის კრიტიკით გაკვირვებული არ არის, მაგრამ მიაჩნია, რომ "წითლები" პროგრესირებენ.
"არა, გაკვირვებული არ ვარ. ვფიქრობ, ჩვენ, ფეხბურთელებმა ვიცით, რომ უკეთ თამაშიც შეგვიძლია. მწვრთნელს კი სურს, რომ უფრო მიმზიდველი ფეხბურთი ვითამაშოთ.
ვფიქრობ, ჩვენ პროგრესს ვხედავთ. თამაში ამას ადასტურებს. სეზონის დასაწყისში კარგად ვერ ვთამაშობდით და საჭირო შედეგებს ვერ ვიღებდით, მაგრამ მწვრთნელმა ჩვენი ორგანიზება შეძლო და ყველამ იცის რა ევალება.
ვფიქრობ, როცა ამას გავამყარებთ, სიამოვნების მინიჭებასაც შემდეგ მოვახერხებთ. როცა ბურთის დაჭერა დაბლა შეგვეძლება და თვითრეალიზებას მოვახდენთ, სწორედ მაშინ გახდება ფეხბურთი სანახაობრივი." - განაცხადა ევანსმა.