"არსენალის" მთავარი მწვრთნელი არსენ ვენგერი მიიჩნევს, რომ ლუი ვან გაალის მუშაობა აბსოლუტურად სწორია, რადგან იგი წინა პლანზე აყენებს შედეგს, ხოლო მეორე პლანზე კი თამაშის სილამაზეს.
ასევე, ფრანგმა მენეჯერმა ლუი ვან გაალი სემ ელერდაისისგანაც დაიცვა. შეგახსენებთ, რომ ვან გაალმა საკუთარი ტაქტიკის დასაცავად პრეს-კონფერენციაზე, ჟურნალისტებს ელერდაისისათვის სტატისტიკა გადასცა.
"ამისათვის არანაირი მიზეზი არ არსებობს."
"დიდი კლუბი ცდილობს გაიმარჯვოს და ეს ყველაფერი ლამაზი თამაშის ხარჯზე გააკეთოს, მაგრამ პირველ რიგში მნიშვნელოვანი შედეგია. მე ნამდვილად არ მესმის, რაში მდგომარეობს პრობლემა. "იუნაიტედმა" გრძელი გადაცემებით თამაში მხოლოდ ბოლო ათი წუთის განმავლობაში დაიწყო, თუმცა ეს სავსებით ლოგიკურია. თუ ჩემს გუნდს 5 წუთი დარჩა, ჩვენ ამას თავისუფალ დარტყმებში გამოვიყენებთ. ჩვენს გუნდში წინ სამი "მონსტრი" თამაშობს და მათთან მოკლე პასებით თამაშზე ვერაფერს გეტყვით. ჭკვიანმა გუნდმა იცის, თუ როგორ უნდა გამოიყენოს საკუთარი კოზირი."-აცხადებს ფრანგი