ლუი ვან გაალი არ თვლის, რომ დე ხეა გუნდისგან გამოყოფილი უნდა იყოს და ისე აქებდნენ, მიუხედავად იმისა, რომ მიმდინარე სეზონში გასაოცარ ფორმაში იმყოფება.

24 წლის კიპერის სეივები პრემიერ ლიგის ცხრილის მესამე ადგილზე "მანჩესტერ იუნაიტედის" ყოფნაში უდიდეს როლს თამაშობს და შედეგად მისდამი ინტერესს მადრიდის "რეალი" იჩენს.

მაგრამ ვან გაალმა დე ხეას წვლილი არ გამოყო და განაცხადა, რომ ესპანელი უბრალოდ თავის საქმეს აკეთებს.

"ვფიქრობ, მას არ გადაურჩენია ბევრი ქულა, რადგან ის ჩემი მეკარეა - მისი საქმე სწორედ დარტყმების შეჩერებაა. თქვენ კი ფიქრობთ, რომ ის გამონაკლისია.

სხვა მეკარეებისთვის ასე არ არის." - განაცხადა ვან გაალმა.

მიუხედავად იმისა, რომ ვან გაალი დე ხეას შექებისგან თავს იკავებს, უნდა აღინიშნოს, რომ "სტოკთან", "ევერტონსა" და "საუთჰემპტონთან" მატჩებში ესპანელის მიერ შეხვედრის მიწურულს აღებული ბურთები, რომელიც "იუნაიტედს" გამარჯვებების მოპოვებაში დაეხმარა, "წითელი ეშმაკების" მიერ დაკავებულ სატურნირო პოზიციაში უდიდეს როლს თამაშობს.

არც "ლივერპულის" წინააღმდეგ მატჩში აღებული უამრავი დარტყმულის დავიწყება შეიძლება.

დე ხეას თანამემამულემ, ვიქტორ ვალდესმა დავიდი მსოფლიოს ნომერ პირველ მეკარეს, მანუელ ნოიერს შეადარა და განაცხადა, რომ მალე მას კონკურენციას გაუწევს.

ვან გაალმა ამ შემთხვევაშიც შეიკავა თავი შექებისგან.

"ამის შესახებ არასდროს ვსაუბრობ, რადგან სხვა მეკარეებს ვერ განვსჯი, მე მხოლოდ ჩემი მეკარეების განსჯა შემიძლია."

წყარო: M.E.N.