"მანჩესტერ იუნაიტედის" ყოფილი ფეხბურთელი უილფრიდ ზაჰა, რომელიც წინა თვეს "პალასში" აღმოჩნდა აცხადებს, რომ "იუნაიტედის" დატოვება სწორი გადაწყვეტილება იყო.

22 წლის ინგლისელმა ალან პარდიუს ხელმძღვანელობის დროს, "კრისტალ პალასის" მიერ მოპოვებული უკანასკნელი 5 გამარჯვებიდან 4-ში სასტარტო შემადგენლობაში დაიწყო და დიდი ალბათობით, სამშაბათს გასამართ შეხვედრაშიც მიიღებს მონაწილეობას, სადაც "კრისტალ პალასი" "ლივერპულს" დაუპირისპირდება.

"როდესაც არ გაქვს სათამაშო პრაქტიკა გიჩნდება კითხვა - რას ვაკეთებ აქ? უთამაშებლობამ თავდაჯერებულობა წამართვა, მაგრამ მე ახლა ისევ ვთამაშობ." - განაცხადა ზაჰამ.

"ჩემით სხვა კლუბებიც ინტერესდებოდნენ, მაგრამ მე უკან, სახლში დაბრუნების სურვილი მქონდა. ეს ზუსტად ის ადგილი და კლუბია, სადაც მომწონს და მინდა ყოფნა".

"სახლში დავბრუნდი. აქ არის ჩემი ოჯახი და აქ არიან ჩემი მეგობრები, აქ ვთამაშობ ფეხბურთს და სახლში გაღიმებული სახით ვბრუნდები."

შეგახსენებთ, რომ ზაჰამ მიმდინარე სეზონში "კრისტალ პალასის" მაისური 14-ჯერ მოირგო და აქტივში 1 გოლი და 2 საგოლე გადაცემა ჩაიწერა.