"მანჩესტერ იუნაიტედი" "პალერმოს" თავდამსხმელს, პაულო დიბალას აკვირდება, რომლის ფასი 30 მლნ. ფუნტია.

კლუბის სკაუტები "პალერმოსა" და "ინტერის" თამაშზე იმყოფებოდნენ, სადაც მილანური კლუბის თავდამსხმელს, მაურო იკარდისაც აკვირდებოდნენ, რომელმაც მატჩში დუბლის გაფორმება მოახერხა.

21 წლის დიბალას, რომელსაც არგენტინაში ახალ აგუეროს უწოდებენ, როგორც თავდამსხმელის, ისე მარჯვენა ვინგერის პოზიციაზე შეუძლია თამაში და ძალიან წარმატებულადაც.

არგენტინელმა მიმდინარე სეზონში ჩატარებულ 17 მატჩში 9 გოლი გაიტანა და ასეთი შედეგი "ოლდ ტრაფორდს" უყურადღებოდ არ დაუტოვებია.

"არსენალი", "ტოტენჰემი" და "ლივერპული" ასევე იჩენენ ინტერესს ახალგაზრდა ფეხბურთელის მიმართ და "პალერმოს" პრეზიდენტმა, მაურისიო ძამპარინიმ დაადასტურა, რომ დაინტერესებულ გუნდთა რიცხვში "მანჩესტერ იუნაიტედიც" შედის.

"დიბალა 40 მლნ. ევრო ღირს, მაგრამ ივნისადმე მის გაყიდვას არ ვაპირებ. რამდენიმე უცხოური გუნდი ინტერესდება მისით და მათ შორის "მანჩესტერ იუნაიტედიც".

ინგლისურ გუნდს ვუთხარი, რომ ახლა მის გაყიდვას არ ვაპირებთ, მაგრამ მოლაპარაკებები შეგვიძლია 6 თვეში დავიწყოთ. ჩემი აზრით, ევროპაში ახლა ის საუკეთესო თავდამსხმელია." - აცხადებს ძამპარინი.

წყარო: dailymail