11-02-2015, 15:01

ავტორი: Rosso Diavolo,

ნანახია: 2164,

კომენტარები: 7

ექსპერტები "იუნაიტედის" თამაშზე საუბრობენ

კეოუნი და რედაპი "იუნაიტედის" თამაშს არჩევენ.

ცნობილი ბრიტანელი ექსპერტები მარტინ კიოუნი და ჯეიმი რედნაპი ამ სეზონში "იუნაიტედის" თამაშს განიხილავენ და დასმულ კითხვებს პასუხობენ.

რატომ არის "იუნაიტედის" თამაში ასეთი მოსაწყენი?

ჯეიმი რედნაპი: "როდესაც "იუნაიტედი" სერ ალექსის დროს პიკს აღწევდა, ამ დროს ფეხბურთელებს გადაადგილების თავისუფლება ჰქონდათ. ახლა კი როგორც ჩანს, ისინი მკაცრ ჩარჩოში არიან, საიდანაც გამოსვლა შეუძლებელია. ზოგჯერ ფეხბურთი მოითხოვს მიუღებელი გადაწყვეტილების მიღებას. ხალხი ძალიან ბევრს ამბობს იმის შესახებ, რომ ლუი ვან გაალი დეტალებს დიდ ყურადღებას უთმობს, თუმცა ვხედავთ, რომ მოთამაშეები ამ იდეებით დაბნეულები არიან."

მარტინ კიოუნი: "ისინი ბურთთან ერთად საკმარისად სწრაფად არ მოძრაობენ, როდესაც ისინი ბურთს მოედნის ცენტრში იღებენ, ხშირად კარგავენ და არ იციან რა მოიმოქმედონ. ახლა "წითლები" თამაშებში არ დომინირებენ და მოწინააღმდეგეებზე საკუთარი ავტორიტეტით გავლენას ვერ ახდენენ, როგორც ეს ადრე იყო."

იყენებს თუ არა მენეჯერი უეინ რუნის სწორად?

კიოუნი: "მოკლევადიან პერსპექტივაში - დიახ, ხოლო გრძელვადიანში -არა. ლუი ახლა პარამეტრებს ეძებს და ცდილობს, ფეხბურთელებს მაქსიმალურად გამოუნახოს თავიანთი პოზიციები. ეჭვგარეშეა, რომ მომავალში რუნი ნახევარდაცვის ცენტრში ითამაშებს. უახლოეს მომავალში უეინი ისევ შეტევაში უნდა დააბრუნონ, რადგან ვან პერსი და ფალკაო შესაძლებლობებს ვერ იყენებენ."

რედნაპი: "როგორ ვიგრძნობდი თავს, როდესაც ნახევარმცველ უეინს დავუპირისპირდებოდი? მართალი გითხრათ, ძალიან ბედნიერი ვიქნებოდი. შემტევის პოზიციაზე ის სულ საშიში მეტოქე იქნება, თუმცა ვფიქრობ რომ ის ცენტრში არც თუ ისე ძლიერია."

დაამტკიცებს ფალკაო საკუთარ შესაძლებლობებს "იუნაიტედში"?

რედნაპი: არამგონია, მან ეს აქ შეძლოს. რადამელი შესანიშნავი ფორვარდია და დარწმუნებული ვარ, რომ წინ წარმატებული კარიერა ექნება, მაგრამ იგი "იუნაიტედში" ვერ თამაშობს. თითქმის იგივეს აკეთებდნენ "ჩელსიში" მოთამაშე შევჩენკო და ტორესი."

კიოუნი: "რადამელი რაც შეიძლება მეტი გოლის გატანას უნდა ცდილობდეს. იგი მეტოქის საჯარიმოში შეუდარებელია. მას გოლების გატანა ნდობას შესძენს."

რა უნდა მოიმოქმედოს ვან გაალმა დი მარიას ასაღორძინებლად?

კიოუნი: "ანხელმა უნდა გააკეთოს ის, რასაც იგი ინგლისური კარიერის დასაწყისში აკეთებდა - ბურთთან მეტი კონტაქტი და გასართობად თამაში. დასაწყისში ის კარგად გამოიყურებოდა, თუმცა თანდათან სიტუაციიდან გამოდის. როდესაც ბურთს მიიღებს, მაშინვე კარებისაკენ ურტყამს."

წყარო: Redevils.ru

ინტერვიუები

7 კომენტარი

№1

ავტორი: RojoDiablo

11 თებერვალი 2015 15:03

სიახლეები: 7065
კომენტარები: 8687

"მოკლევადიან პერსპექტივაში - დიახ, ხოლო გრძელვადიანში -არა. ლუი ახლა პარამეტრებს ეძებს და ცდილობს, ფეხბურთელებს მაქსიმალურად გამოუნახოს თავიანთი პოზიციები. ეჭვგარეშეა, რომ მომავალში რუნი ნახევარდაცვის ცენტრში ითამაშებს. უახლოეს მომავალში უეინი ისევ შეტევაში უნდა დააბრუნონ, რადგან ვან პერსი და ფალკაო შესაძლებლობებს ვერ იყენებენ."

ამას იძახის მთელი წითელი სამყარო და მხოლოდ ლუის არ ესმის. ჯერ აქვს ამ კაცს წინ თამაშის უნარი და შესაბამისი კონდიციებიც და როცა მომავალში არ იქნება შესაბამის ფორმაში, მერე ნელ-ნელა დახიოს უკან. არც ნახევარდაცვა მოითხოვს ნაკლებ საქმეს, მაგრამ მოედნის მთელ პერიმეტრზე სირბილი ერთი საჯარიმოდან მეორეში აღარ მოუხდება. მერე სხვა ფუნქციებს შეითავსებს, რომელსაც ასაკის შესაბამის ჩარჩოებში ჩასვამს. გაიგე რა ვან გაალ!

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№2

ავტორი: AkkRed

11 თებერვალი 2015 15:41

სიახლეები: 74
კომენტარები: 4669

რედნაპი: "როგორ ვიგრძნობდი თავს, როდესაც ნახევარმცველ უეინს დავუპირისპირდებოდი? მართალი გითხრათ, ძალიან ბედნიერი ვიქნებოდი. შემტევის პოზიციაზე ის სულ საშიში მეტოქე იქნება, თუმცა ვფიქრობ რომ ის ცენტრში არც თუ ისე ძლიერია."

ამას მეტი რა უნდა დაურთო, რომ იმ შეუგნებელმა თავის დიდგოგრა თავში შეუშვას.

№3

ავტორი: batumski

11 თებერვალი 2015 15:52

სიახლეები: 0
კომენტარები: 132

ყველაფერში ვეთანხმები. რედნაპი მაგარი ექსპერტია ძაან

_ _ _ _ _ _ _ _ _ _ _ _ _ _ _ _ _ _ _ _ There are Good Football teams and there are Great Football teams, then of course there is Manchester United

№4

ავტორი: Mufc7

11 თებერვალი 2015 17:39

სიახლეები: 31
კომენტარები: 3018

როდესაც "იუნაიტედი" სერ ალექსის დროს პიკს აღწევდა, ამ დროს ფეხბურთელებს გადაადგილების თავისუფლება ჰქონდათ. ახლა კი, როგორც ჩანს, ისინი მკაცრ ჩარჩოში არიან, საიდანაც გამოსვლა შეუძლებელია.

ექსპერიმენტები ატაროს ხოლმე ხშირად კიდე derpthumb

_ _ _ _ _ _ _ _ _ _ _ _ _ _ _ _ _ _ _ _ Money can't make history, history makes only legend, legend is only love. Love is MANCHESTER UNITED!

№5

ავტორი: vincent

11 თებერვალი 2015 18:13

სიახლეები: 0
კომენტარები: 273

გუშინ რომ ფალკაოს დაბადებისდღე იყო რატომ არ დაწერეთ? :))

№6

ავტორი: GeorgeBest

11 თებერვალი 2015 19:42

სიახლეები: 1729
კომენტარები: 12134

დარწმუნებული ვარ, რომ წინ წარმატებული კარიერა ექნება, მაგრამ იგი "იუნაიტედში" ვერ თამაშობს. თითქმის იგივეს აკეთებდნენ "ჩელსიში" მოთამაშე შევჩენკო და ტორესი."

არამგონია ჩვენთან მომავალი ჰქონდეს

№7

ავტორი: Manc

11 თებერვალი 2015 20:29