ლუი ვან გაალს მიაჩნია, რომ უეინ რუნისთვის ნახევარმცველის პოზიცია შესაფერისია.
ამ პოზიციაზე რუნის დაყენებამ აჩვენა, რომ კაპიტანს მოედნის სიღრმიდანაც კი შეუძლია გოლების გატანა. ამის დასტური "ლივერპულისა" და "ნიუკასლის" წინააღმდეგ მატჩებია.
"არ ვფიქრობ, რომ რუნის ოდესმე დაუჩივლია თავის სათამაშო პოზიციაზე. პირიქით, ვფიქრობ, ნახევარდაცვაში თამაში მოსწონს, რადგან ბურთით უფრო ხშირადაა და ამისგან სიამოვნებას იღებს. ძალიან ცოტა ფეხბურთელს შეუძლია ითამაშოს იმდენ პოზიციაზე, რამდენზეც რუნის, ის მულტიფუნქციური ფეხბურთელია.
მე ფეხბურთელების ხარისხს ვაკვირდები და იმას, თუ რომელ პოზიციაზე ითამაშებენ უკეთ, რადგან მათ გუნდისთვის უდიდესი მნიშვნელობა აქვთ. სწორედ ამას ვეუბნები რუნის: "ახლა შენი წვლილი უფრო დიდია, რადგან მარჯვნივ თამაშობ." რატომ? იმიტომ, რომ შეგიძლია პასი გააკეთო და ჩააწოდო, რადგან მარჯვნივ ხარ და ასევე შეგიძლია ანტონიო ვალენსიას ჩარბენას დაელოდო.
როცა სამი მცველითა და ოთხი ნახევარმცველით ვთამაშობთ, შესაძლოა მარცხენა ინსაიდერის პოზიცია მისთვის უკეთესია. მაგრამ სისტემაში, რომელშიც მარჯვნივ უნდა გადახვიდე და ჩარბენებს დაელოდო, მარჯვენა ფეხით მოთამაშე ნახევარმცველი მჭირდება და რუნი მარჯვენა ნახევარდაცვიდან მარცხენა ნახევარდაცვაში გადადის. ახლა იქ ადნან იანუზაის ვათამაშებ, რადგან ის ცაციაა და დრიბლინგისა და ჩაწოდების განხორციელება შეუძლია. თითოეულ სისტემას აქვს არგუმენტი იმისთვის, თუ რატომ უნდა იდგეს ესა თუ ის ფეხბურთელი ამა თუ იმ პოზიციაზე.
ედგარ დავიდსი მარცხენა ვინგერი იყო და ნახევარმცველად ვაქციე, მაიკლ რაიციგერი "ათიანი" იყო და მცველად ვაქციე, ფრანკ რაიკაარდი მარჯვენა ნახევარმცველი იყო და ცენტრალურ მცველად ვაქციე.
მიყვარს მულტიფუნქციური ფეხბურთელები, რადგან შეგიძლია შენი გუნდის ვარიაცია მოახდინო და მოწინააღმდეგისთვის უფრო ამოუცნობი ხდები, რადგან ფეხბურთელებს პოზიციებს უცვლი. სწორედ ამიტომ მომწონს, ამიტომ მყავდა "აიაქსში" ისეთი გუნდი, რომელსაც მოწინააღმდეგე ვერასდროს იცნობდა. იგივე შეიძლება რუნის შემთხვევაშიც.
ვცდილობ იგივე გავაკეთო ანხელ დი მარიასა და ადნან იანუზაის შემთხვევაშიც, რადგან ნამდვილად შეუძლიათ იქ თამაში, სადაც ახლა თამაშობენ. შესაძლოა ეს არის პრობლემის გადაჭრის გზა, რომელსაც უნდა დაველოდოთ და ვნახოთ. ეს კი რთულია, რადგან სეზონის განმავლობაში უნდა მოვახერხო, მიუხედავად ამისა, მაინც მესამეზე ვართ." - განაცხადა ვან გაალმა.