ლუი ვან გაალი და მისი შეგირდები შაბათს ლონდონში გაემგზავრნენ, რადგან "მანჩესტერ იუნაიტედი" "ბოლეინ გრაუნდზე" "ვესტ ჰემს" უპირისპირდება.

"წითელი ეშმაკები" შეეცდებიან პრემიერ ლიგაში ზედიზედ მესამე გამარჯვება მოიპოვონ და ამას ტრავმების ეპიდემიით შეპყრობილი "ვესტ ჰემის" წინააღმდეგ გააკეთებენ.







მოწინააღმდეგის კრიზისი შესაძლოა ვან პერსისა და ფალკაოს გამოადგეს, ვან გაალი კი აცხადებს, რომ ჯერ კიდევ არ არის სრულად კმაყოფილი თავისი გუნდით.

ლუის მოსვლის შემდეგ "მანჩესტერ იუნაიტედს" ნამდვილად ეტყობა პროგრესი, თუ თამაშით არა, სატურნირო ცხრილში ამჟამინდელი ადგილით მაინც.

გარდა ამისა, "წითელმა ეშმაკებმა" ინგლისის თასის მეხუთე რაუნდში გააღწიეს და ტურნირის მოგების არაჩვეულებრივი შანსი აქვთ.

მიუხედავად იმისა, რომ ასოციაციის თასის მეოთხე რაუნდის პირველ შეხვედრაში "იუნაიტედი" "კემბრიჯთან" სირთულეებს განიცდიდა, გადათამაშებაში მეტოქის დამარცხება მარტივად მოახერხა.

ჰოლანდიელი სპეციალისტი კი აღიარებს, რომ ჯერ კიდევ დიდი გზა აქვს გასავლელი დიდების მწვერვალზე "იუნაიტედის" დასაბრუნებლად.

ანხელ დი მარია სადგურში თავის პირად მცველთან ერთად მივიდა

ვან გაალმა განაცხადა: "კმაყოფილი მხოლოდ სეზონის ბოლოს ვიქნები - სამეულში ყოფნა და მომდევნო რაუნდში გასვლა, ახლა არ ითვლება.

ჩვენ კარგ ფორმაში ვართ, მაგრამ ჯერ კიდევ უნდა ვითამაშოთ რამდენიმე მატჩი და იქ ფინალში გასასვლელადაც სამი მოგებაა საჭირო. ჩვენი მიზანი ეს არის. უნდა მოვიცადოთ და ვნახოთ, მივაღწევთ, თუ არა მას."

ყველა ტურნირის მასშტაბით გამართულ უკანასკნელ 16 შეხვედრაში "იუნაიტედმა" მხოლოდ ერთი წააგო და "ვესტ ჰემთან" მატჩს "ლესტერისა" და "კემბრიჯის" დამაჯერებელი დამარცხების შემდეგ ხვდება.

ვან გაალს სურს მუხტი შეინარჩუნოს, მაგრამ კვირას "ბოლეინ გრაუნდზე" რთულ მატჩს ელოდება.

































63 წლის სპეციალისტმა განაცხადა: "დიახ. "ლესტერთან" მატჩის წინ მე ვთქვი, რომ ეს კვირა ძალიან მნიშვნელოვანია და ყველა მატჩში გამარჯვება უნდა მოვიპოვოთ. "მელიებთან" გამარჯვების შემდეგ, მესამე ადგილზე აღვზევდით, "კემბრიჯის" დამარცხებით კი შემდეგ ეტაპზე გავედით.

ჩვენ ასე უნდა გავაგრძელოთ და ეს ყველა მოთამაშემ იცის, თუმცა ეს არცთუ ისე ადვილია. კვირას საგარეო მატჩი გველოდება "ვესტ ჰემის" წინააღმდეგ, ჩვენ გვახსოვს თუ როგორ გაგვიჭირდა მათი დამარცხება "ოლდ ტრაფორდზე". ამ ყველაფრის გათვალისწინებით ლონდონში იოლი გასეირნება არ გველოდება, თუმცა აუცილებლად უნდა გავიმარჯვოთ."

ბელგიელებს მოღიმარი სახეებით თავიანთი ჩანთები და ტანისამოსი მიაქვთ

წყარო: dailymail