ლუი ვან გაალმა განაცხადა, რომ დი მარიას სახლში მძარცველების შეჭრის შემდეგ არგენტინელისთვის "კემბრიჯთან" მატჩის გამოტოვების საშუალება უნდა მიეცა, თუმცა ფეხბურთელმა დასვენება არ ისურვა.

გასულ შაბათს დი მარია ოჯახთან ერთად სადილობდა, როცა მის სახლში სამმა ნიღბიანმა მამაკაცმა შეჭრა სცადა.

2009 წელს ასეთი ფაქტი დარენ ფლეთჩერსაც შეემთხვა, როცა მძარცველები მის საცოლესა და სასიდედროს დანით დაემუქრნენ, თუმცა მომდევნო დღეს შოტლანდიელი ჩემპიონთა ლიგის მატჩში "ინტერის" წინააღმდეგ მაინც თამაშობდა.

"კლუბმა შემთხვევის შემდეგ დი მარიას პირადი მცველი აუყვანა, რათა ის და მისი ოჯახი დაეცვა.

ადამიანური პრინციპების მჯერა. დი მარიას გარემო კი მნიშვნელოვანია. თუმცა, ის უფრო მეტად ცოლსა და შვილზე ღელავდა.

მას ვესაუბრე და უნდოდა "კემბრიჯის" წინააღმდეგ ეთამაშა, ამიტომ ვათამაშე.

წარსულში ადამიანური პრინციპების გამო გადავწყვიტე, რომ ასეთი პირობების მქონე ფეხბურთელს თამაშის საშუალებას არ მივცემდი. მაგრამ მასთან მიმართებაში ვიგრძენი, რომ თამაშის საშუალება უნდა მიმეცა და ბედნიერი ვიყავი, რომ ასე მოვიქეცი.

კარგად ითამაშა. რა თქმა უნდა, "ვესტ ჰემთან" მატჩშიც უნდა გავაწყვიტო, მაგრამ როცა "კემბირჯთან" მის თამაშს უყურებ, არავითარი ეჭვის საფუძველი აღარ გრჩება." - განაცხადა ვან გაალმა.

წყარო: M.E.N.