"პრესტონ ნორტ ენდის" ნახევარმცველი, ნილ კილკენი, რომელიც რამდენიმე წლის წინ "ლიდსის" ღირსებას იცავდა და ამ გუნდთან ერთად მოახერხა "იუნაიტედის" FA-ს გათამაშებიდან გამოთიშვა, აცხადებს, რომ მას ძალიან სურს კიდევ ერთხელ დაამწუხროს "ეშმაკების" ქომაგი.
ნილი სწორედ იმ "ლიდსის" ნაწილი იყო, რომელმაც 2010 წელს სერ ალექსის გუნდი "ოლდ ტრაფორზე" დაამარცხა და შემდეგ რაუნდში გავიდა.
"2010 წლის 3 იანვარი იყო. "ოლდ ტრაფორდზე" 8 ათასი გულშემატკივარი გამოგვყვა და იქ დიდი გადატრიალება მოვაწყვეთ.
ძალიან კარგი გუნდი გვყავდა, კარგი მწვრთნელით, რომელიც ახლა უკვე "პრესტონს" უდგას სათავეში. მოედანზე ძალიან დამუხტულები გავედით და არაფრის გვეშინოდა.
"დიფელი", როგორც ყოველთვის სავსე იქნება და იმედი მაქვს ისევ შიშის გარეშე ვიქნებით. არავინ არ ელოდა ჩვენს წარმატებას, თუმცა როგორც ხედავთ აქამდე მოვედით."-დაასრულა ნილმა.