რამდენიმე დღის წინ, "იუნაიტედის" ახალგაზრდა ფეხბურთელმა, ჯეიმს უილსონმა უპასუხა გულშემატკივრების მიერ "Facebook"-ის გვერდის საშუალებით დასმულ კითხვებს.

"იუნაიტედის" ყოფილი ფეხბურთელებიდან, რომელთან ერთად ისურვებდი თამაშს?

ეს ალბათ კრიშტიანო რონალდო იქნება. სიამოვნებით ვითამაშებდი მასთან ერთად, ის ძალიან მშრომელი ფეხბურთელია როგორც მოედანზე, ისე მის ფარგლებს გარეთ. რონალდო ბევრს ვარჯიშობდა დარბაზში და ამის წყალობით მიაღწია იმ დონეს, რომელზეც ახლა იმყოფება. კარგი იქნებოდა მისი შესაძლებლობების ხილვა თამაშებზე და ვარჯიშებზე.

რაიმე წინასამტჩო რიტუალი ან ცრურწმენა თუ გაქვს?

არა, თუმცა ვიცი რამდენიმე ფეხბურთელი რომელთაც აქვთ. მაგალითად, დევიდ დე ხეა ცდილობს საუზმის დროს ყოველთვის ერთიდაიგივე ადგილზე დაჯდეს, მე მსგავსს არაფერს ვაკეთებ. თამაშებამდე ყოველთვის მაკარონს ვჭამ, თუმცა ეს ცრურწმენა არაა, უბრალოდ ეს საკვები ენერგიას მმატებს.

ვინ არის ყველაზე ძლიერი მცველი, რომლის წინააღმდეგაც გითამაშია?

ალბათ ჯონ ტერი. საერთოდ მის წინააღმდეგ თამაშის საშუალება რამდენიმე წუთი მომიწია, თუმცა ის ტოპ კლასის მცველია. მას დიდი გამოცდილება აქვს და კარგად იცის რასაც აკეთებს. ასე რომ, ვფიქრობ ის საუკეთესო მცველია მათ შორის, ვის წინააღმდეგაც მითამაშია.

ვინ არის ყველაზე სწრაფი გუნდში?

ვარჯიშების დროს ყველას გვიკეთია GPS-ის აღჭურვილება, რომელსაც შეუძლია ზუსტად გვიჩვენოს რამდენს დავრბივართ და რა სისწრაფით. ძირითადად საუკეთესო შედეგეი მე, ლუკ შოუს, ეშლი იანგს და რამდენიმე სხვა ფეხბურთელს გვაქვს. თუმცა საერთო სტატისტიკით საუკეთესო მაინც კრის სმოლინგია, ალბათ არ ელოდით ამ პასუხს, თუმცა ის მართლა ძალიან სწრაფია.

წყარო: ManUtd.com