"მანჩესტერ იუნაიტედის" მარცხენა მცველი, ლუკ შოუ მიიჩნევს, რომ მისმა კლუბმა ინგლისის თასის მეოთხე რაუნდის პირველ მატჩში დაკარგულის კომპენსირება უნდა მოახდინოს.

"მატჩმა ძალიან გაგვიცრუა იმედი. გამარჯვება გვინდოდა, მაგრამ ახლა მხოლოდ გადათამაშებაზე უნდა მოვახდინოთ კონცენტრაცია. დასამტკიცებელი ნამდვილად გვაქვს, რადგან ვიცი, რამდენად მნიშვნელოვანია თასი ჩვენთვის. "იუნაიტედს" დიდი ხანია ეს ტურნირი არ მოუგია, ამიტომ ახლა კარგი იქნებოდა საკუთარი თავის საუკეთესო მხრიდან წარმოჩენა.

შანსი ნამდვილად გვაქვს, განსაკუთრებით, თუ ტურნირიდან გავარდნილ გუნდებს შევხედავთ. ე.წ. ტოპ-გუნდები ძალიან ცოტა დარჩა, ამიტომ მგონია, რომ უნდა გვიხაროდეს და ჩვენი მატჩი მოვიგოთ. "ოლდ ტრაფორდი" აქ ჩამოსული გუნდებისთვის კვლავ უნდა იქცეს აუღებელ ციხე-სიმაგრედ.

"იუნაიტედში" ყველა სურს ინგლისის თასის მოგება და ამჟამად სწორედ ეს არის ჩვენი ნომერ პირველი მიზანი, რადგან ჩემპიონატში პირველი ადგილის შანსი თითქმის არ გვაქვს. ამიტომ, ფსონს ინგლისის თასზე ჩამოვდივართ.

უეინ რუნის არასდროს მოუგია ეს ტურნირი და ძალიან ესწრაფვის ამის გაკეთებას მიმდინარე სეზონში. კენჭისყრის დროს გვიმართლებდა. დაბალი დივიზიონის გუნდებს ვხვდებით, ამიტომ იქნებ, ეს ჩვენი წელია.

იმედი მაქვს, "კემბრიჯს" გავცდებით, მაგრამ ადვილი არ იქნება. არ შეიძლება რომელიმე მატჩი გარდაუვალ გამარჯვებაზე ფიქრით დაიწყო, განსაკუთრებით თასზე. გასულ წელს ხშირად ვხედავდით ტოპ-კლუბების გავარდნას, ამიტომ მატჩი რთული იქნება და კონცენტრაცია უნდა შევინარჩუნოთ." - განაცხადა შოუმ.

წყარო: carrick.ru