"მანჩესტერ იუნაიტედის" ყოფილმა თავდამსხმელმა, ენდი კოულმა განაცხადა, რომ 9 ნომრიანი მაისურის ტარება ფალკაოსთვის განსაკუთრებული რამ უნდა იყოს.

"ლესტერთან" მატჩში რადამელ ფალკაომ "იუნაიტედში" თავისი მეოთხე გოლი გაიტანა, რამაც ენდი კოულის კმაყოფილება გამოიწვია. და სანამ სხვებს მიაჩნიათ, რომ მაისურის ნომერმა ფეხბურთში მნიშვნელობა დაკარგა, ენდი კოულს მიაჩნია, რომ ფალკაოს ეს არ ეხება.

"მანჩესტერ იუნაიტედის" 9 ნომრიანი მაისურის ტარება ჩემთვის ფენომენალური იყო. მისი ტარებით სიამოვნებას ვიღებდი და მას განსაკუთრებულ საგანძურად ვთვლიდი, მითუმეტეს რომ ასეთ კლუბში ვიყავი.

თანამედროვე ფეხბურთში მაისურის ნომერი მოდიდან გადავიდა. მაგრამ ტრადიციის მიმდევრები ყოველთვის 9 და 10 ნომრიან მაისურს უყურებენ, რადგან სწორედ ამ ბიჭებმა უნდა გაიტანონ გოლები.

ნებისმიერი კლუბის 9 ნომრიანი მაისურის ტარება ხანდახან ჯოჯოხეთს ჰგავს. "ნიუკასლშიც" 9 ნომრიანი მაისური მეცვა და ის ძალიან, ძალიან ცნობილი ნომერი იყო. ფანები მაისურზე ყოველთვის მაღალფარდოვნად საუბრობენ და როცა "სენტ ჯეიმს პარკზე" მას იღებ, უდიდეს ზეწოლას გრძნობ.

"მანჩესტერ იუნაიტედში" გადასვლის პირველ წელს 17 ნომრიან მაისურს ვატარებდი, მაგრამ სეზონის დასრულების შემდეგ მწვრთნელმა გადაწყვიტა 9 ნომერი მოეცა და მას შემდეგ სულ ის მეცვა.

როცა თამაშობ, მოწინააღმდეგე გუნდი ყოველთვის უყურებს 9 ნომერს და ცდილობს, მას გოლი არ გაატანინოს. ვფიქრობ, ფალკაო ყველაფერს სწორად გააკეთებს, რადგან ის სუპერ თავდამსხმელია და გოლებსაც გაიტანს." - განაცხადა კოულმა.

წყარო: manutd.com