დეილი ბლინდს მიაჩნია, რომ ლუი ვან გაალის რევოლუცია "ოლდ ტრაფორდზე" ფრთებს შლის.

"ლესტერთან" გამართულ მატჩამდე ლუი ვან გაალს საკუთარი სქემის დაცვა მოუხდა, რადგან უკანასკნელი ექვსი შეხვედრიდან სამში გოლის ვერ გატანის გამო გულშემატკივარმა ჰოლანდიელის გუნდს მოსაწყენი უწოდა.

შედეგად, ვან გაალმა "მელიებთან" მატჩში სათამაშო სქემა შეცვალა და გოლის გატანის პრობლემაც უკან დარჩა, რამეთუ "იუნაიტედმა" 3-1 იმარჯვა.

ბოქსინგ დეის შემდეგ ეს პირველი შემთხვევა იყო, როცა ვან გაალის გუნდმა სამი გოლის გატანა მოახერხა.

დეილი ბლინდი კი აცხადებს, რომ "იუნაიტედი" ყოველკვირეულად ემსგავსება ისეთ გუნდს, როგორის ხილვაც ვან გაალს სურს.

"ყოველკვირეულად ვუახლოვდებით თამაშის ისეთ დონეს, როგორიც ვან გაალს სურს. სწორი მიმართულებით მივდივართ და ბედნიერები ვართ." - განაცხადა ბლინდმა.

"იუნაიტედმა" "ლესტერთან" მატჩში სამი გოლის გატანა პირველი ტაიმში მოახერხა და პირველი წრის მარცხის გამო შური იძია.

თუმცა საგანგაშო ნიშნები ჯერ კიდევ შეიმჩნეოდა, რადგან ვან გაალმა გუნდს არა თუ მეტი გოლის გატანა, არამედ თამაშის მოკვლა სთხოვა.

ბლინდმა დაამატა: "შედეგით მოხარული ვართ.

ვცდილობდით ბურთი შეგვენარჩუნებინა და შანსები შეგვექმნა. ჩვენ უკეთესი გუნდი ვიყავით ბურთის ფლობაშიც და გოლის გატანაშიც.

როცა პირველ გოლს გაიტან, მეორე გუნდმა რაღაც უნდა გააკეთოს. ძალიან კარგი მატჩი ჩავატარეთ მოთმინებითა და ბურთის კონტროლით.

პირველ ტაიმი ძალიან კარგი იყო, მეორე ტაიმში კი შესაძლოა ზედმეტად მომთმენები ვიყავით.

მაგრამ ვცდილობდით, ბურთის დაჭერით თამაში მოგვეკლა და თან შანსები შეგვექმნა.

რა თქმა უნდა, გსურს, რომ კარი "მშრალად" შეინახო, მაგრამ 3-1 სახლში - კარგი ფეხბურთი და კარგი შედეგი."

წყარო: M.E.N.