31-01-2015, 13:58

ავტორი: Rosso Diavolo,

ნანახია: 2145,

კომენტარები: 6

სადლერი: "დღევანდელ "იუნაიტედში" დადებითის პოვნა ძალიან ძნელია"

დავიდ სადლერი დღევანდელ "იუნაიტედზე".

"მანჩესტერ იუნაიტედის" ლეგენდა დავიდ სადლერი მიიჩნევს, რომ ამ ეტაპზე ლუი ვან გაალის გუნდს ბევრი გადაუჭრელი პრობლემა აქვს.

"იუნაიტედი ძალიან რთულ პერიოდს გადის და მათთვის მიმდინარე სეზონის მესამე ადგილზე დასრულება ამ გარდამავალ პერიოდში შესანიშნავი იქნება. ლუიმ უკვე ერთხელ განაცხადა, რომ ასეთი შედეგი იმის მაჩვენებელია, რომ გუნდი სწორი მიმართულებით მიდის. ყველა ეს საუბარი რა თქმა უნდა სასიამოვნო და დამამშვიდებელიც არის, მაგრამ "იუნაიტედმა" საკუთარი ზრახვები პრაქტიკაში უნდა აჩვენოს."

"ვიყოთ მართალნი, ამ ეტაპზე "იუნაიტედი" მესამე ადგილსაც არ იმსახურებს. მათ ძალიან გაუმართლათ, რომ ცხრილის ზედა ოთხეულში არიან. ახლა ვცდილობ ამ გუნდში რაიმე დადებითის პოვნას, თუმცა ეს ძალიან რთულია."

"მათ გუნდში ერთ–ერთი ყველაზე მნიშვნელოვანი დე ხეაა. იგი მართლაც შესანიშნავი და პრემიერ ლიგაში საუკეთესო კიპერია. დიდი იმედი მაქვს, რომ "იუნაიტედი" ესპანელს "რეალში" არ გაუშვებს, რადგან "ეშმაკები" მის გარეშე ძალიან რთულ მდგომარეობაში ჩავარდებიან."

"ძალიან გამიხარდა, რომ კლუბმა ზაფხულში ამდენი თანხა დახარჯა და ასეთი მოთამაშეები გადმოიყვანა, მაგრამ გახდა გუნდი ძლიერი? ჩვენ ძალიან გვჭირდება თავდაცვის ხაზის გაძლიერება, როგორც მინიმუმ ერთი ცენტრალური მცველით."

"3–5–2 სქემა ჩემთვის გაუგებარია. ცხადია "იუნაიტედი" ტრადიციული ტაქტიკით უფრო წარმატებულია. ჩვენ ჯერ კიდევ არ გვყავს ცენტრალური ნახევარმცველი, რომელიც შუა სფეროს გაკონტროლებას შეძლებს. თამაში თავდასხმაში? ამით არც თუ ისე მოხარული ვარ. რადამელ ფალკაოს თამაშით ძალიან იმედგაცრუებული დავრჩი. ძალიან მაინტერესებს გადაიხდის თუ არა კლუბი მის გამოსასყიდ თანხას– 43 მილიონ ფუნტს. ასევე მინდა აღვნიშნო, რომ ჩემი იმედები რობინ ვან პერსიმაც არ გაამართლა."

"ვფიქრობ, გუნდს გარკვეულწილად ძლიერები სჭირდება. ასევე საჭიროა იმპულსი, რომელიც გუნდში მაქსიმალურ მუშაობას იწვევს."–აცხადებს სადლერი

წყარო: Redevils.ru

ინტერვიუები

6 კომენტარი

№1

ავტორი: gilmour

31 იანვარი 2015 14:47

სიახლეები: 0
კომენტარები: 2108

მე პირადად ყველაფერში ვეთანხმები. სახელებს რომ გადახედო თითქოს ყველაზე მრისხანე შეტევა გვყავს, მაგრამ მოედანზე გავლენ და ძირს წვანან. შემადგენლობაც დაუბალანსებელია, შეტევაში არჩევანის გაკეთება ჭირს და დაცვაში ნორმალური ფეხბურთელის ნახვა.

№2

ავტორი: RojoDiablo

31 იანვარი 2015 16:03

სიახლეები: 7071
კომენტარები: 8687

კარგი, ჩამოყალიბებული აზრის ზოგად შინაარს ვეთანხმები, მაგრამ ასე ხელაღებით არ შეიძლება ითქვას, რომ დადებითი არაფერია გუნდში. ნაწყენები და გაბრაზებულები თუ ვილაპარაკებთ, ობიექტურობას დავკარგავთ და ეს არ არის კარგი.

განსხვავებით წინა წლისგან, როცა ძლიერ მეტოქეს ვხვდებით, გუნდში შიში არ იგრძნობა და ნებისმიერ მეტოქეს ვეთამაშებით, ხან ვიგებთ, ხან ვაგებთ, შარშან კი სულ ვაგებდით. ეს თუ შარშანდელ სეზონს შევადარებთ, თორემ მანამდელ გუნდთან ახლოს რომ არ ვართ ეს ცხადია.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№3

ავტორი: GeorgeBest

31 იანვარი 2015 16:22

სიახლეები: 1729
კომენტარები: 12134

წარმოდგენაც არ მინდა დე ხეას გარეშე გუნდი რა გახდება

ზაფხულშივე გვჭირდებოდა დაცვის ხაზია გაძლიერება მარა ვერ მოხერხდა

№4

ავტორი: gilmour

31 იანვარი 2015 17:47

სიახლეები: 0
კომენტარები: 2108

RojoDiablo,
შარშან და წელს დაახლოებით ერთნაირი ქულები გვაქვს, შედეგი იგივე. უბრალოდ ამ სეზონში ბევრი ფული დაიხარჯა და ამის ხარჯზე უკეთ გამოვიყურებით, წარმოიდგინე რომ შარშან გვყოლოდა გუნდში ერერა, დიმარია, ფალკაო, რაც წელს ვართ ის ვიქნებოდით ზუსტად, იმიტომ რომ მწვრთნელის ხელი არც შარშან ჩანდა არც წელს.

№5

ავტორი: batumski

31 იანვარი 2015 18:13

სიახლეები: 0
კომენტარები: 132

გული არ გაიტეხოთ ბიჭებო,მანჩესტერი დაბრუნდება

_ _ _ _ _ _ _ _ _ _ _ _ _ _ _ _ _ _ _ _ There are Good Football teams and there are Great Football teams, then of course there is Manchester United

№6

ავტორი: AkkRed

31 იანვარი 2015 22:12