"მანჩესტერ იუნაიტედის" მთავარმა მწვრთნელმა ლუი ვან გაალმა "ლესტერ სიტისთან" მატჩის წინ პრესკონფერენცია გამართა.
"ლესტერთან" წინა მატჩმა აჩვენა, რომ მატჩზე კონტროლი უნდა შევინარჩუნოთ, რაც წინა შეხვედრაში არ გამოგვივიდა."
"3-1 ვიგებდით, მაგრამ მატჩი ბოლომდე ვერ მივიყვანეთ და როცა მეორე გოლი გავუშვით, კონტროლი დავკარგეთ. სწორედ ამიტომ შევცვალე სქემა 3-5-2-ით და მას შემდეგ ცოტა გოლს ვუშვებთ."
მაგრამ ახლა ისეთ სიტუაციაში ვართ, როცა ბევრ მომენტს ვერ ვქმნით, ამიტომ ისევ 4-4-2-ზე გადავედი და იმედი მაქვს, რომ გუნდურ ბალანსს გავაუმჯობესებთ."
"ლესტერის" თამაშის ანალიზირება უნდა მოვახდინოთ, რადგან გრძელი გადაცემების წინააღმდეგ თამაში გვიჭირს. შენ შეგიძლია ზეწოლა მოახდინო, მაგრამ მეკარე ყოველთვის გააკეთებს გრძელ გადაცემას.
სწორედ ამიტომ არა მარტო პირველი პასი, არამედ მეორე პასიც მნიშვნელოვანია - ამაში მეტოქე უნდა დავამარცხოთ და შემდეგ ჩვენს სტილში ვითამაშოთ. როცა ამას ვაკეთებთ, შანსებსაც ვქმნით."