ლუი ვან გაალმა განაცხადა, რომ კლუბი იანვარში არავის დაიმატებს. ასევე ჰოლანდიელმა დარენ ფლეთჩერის წასვლაც დაადასტურა.

"ორი კვირის წინ მე უკვე ვისაუბრე იმაზე, რომ ტრანსფერები არ იქნება, თუმცა ყოველდღე გაზეთებიდან ვიგებ, რომ ჩვენ თურმე მოთამაშეებით ვინტერესდებით. მე ჯერ–ჯერობით არცერთი მოთამაშის შეძენას არ ვაპირებ. მე ვთქვი, რომ ჩვენ შესაძლოა, მხოლოდ ფეხბურთელები გავყიდოთ ან გაუშვათ, მაგრამ არ მიჯერებთ."

ერთ–ერთი წასვლის კანდიდატი "მანჩესტერ იუნაიტედის" შოტლანდიელი ვეტერანი ნახევარმცველი დარენ ფლეთჩერია. 30 წლის შოტლანდიელმა "ვესტ ჰემში" გადასვლის ნებართვა მიიღო, მიუხედავად იმისა, რომ ფეხბურთელს "ეშმაკებთან" კიდევ 6 თვე აკავშირებს.

"ახლა ის "ვესტ ჰემშია". ფლეთჩერი ჩემი მესამე კაპიტანი და გასახდელში მნიშვნელოვანი ფიგურაა. მე ძალიან მომწონს დარენი, როგორც ადამიანი და ასევე როგორც ფეხბურთელი, თუმცა ის დღეს არც თუ ისე კარგად თამაშობს, რაც ყველაზე მთავარია."

"მას მუდმივად თამაში ურჩევნია, ამიტომ ჩვენ დარენს დავეხმარეთ. ეს ჩვენთვის დანაკარგია, თუმცა "ვესტ ჰემი" მისი სახით მნიშვნელოვან ფეხბურთელს დაიმატებს."–განაცხადა ლუიმ Manchester Evening News–თან

წყარო: Fapl.ru