"მანჩეტსერ იუნაიტედის" არხ MUTV-თან ინტერვიუში ვან გაალმა განაცხადა, რომ "მანჩესტერ იუნაიტედის" ინგლისელი ნახევარმცველი კუნთის დაზიანების გამო დაახლოებით ოთხ კვირას გამოტოვებს.

ამრიგად, კერიკი "ეშმაკებს" შაბათს "ლესტერის" წინააღმდეგ გასამართ მატჩში ვერ დაეხმარება. ინგლისელი ასოციაციის თასის განმეორებით მატჩს, "კემბრიჯის" წინააღმდეგ გამოტოვებს. ასევე გუნდს ვერ დაეხმარება :"ვესტ ჰემის" "ბარნლის", "სუონსისა" და "სანდერლენდის" წინააღმდეგ მატჩებში.

ლუი ვან გაალმა ეშლი იანგის ტრავმაზეც ისაუბრა. ჰოლანდიელის თქმით ინგლისელი ვინგერი მოედანს მალე დაუბრუნდება.

"ამ დროისათვის არც თუ ისე ბევრი ტრავმირებული გვყავს. ეშლი იანგი ბრუნდება, ხოლო მის ნაცვლად ლაზარეთს მაიკლ კერიკი შეუერთდა, ასე რომ იგი ხვალინდელ მატჩს გამოტოვებს. ის ჩვენი გუნდისთვის მნიშვნელოვანი ფეხბურთელია. ვფიქრობ, იგი დაახლოებით ოთხ კვირას გამოტოვებს. ასე რომ, ეს არ შეიძლება უმნიშვნელო ტრავმად ჩაითვალოს. სხვა საკითხებთან ერთად იგი "იუნაიტედის" ვიცე კაპიტანია, მაგრამ ეს მწვრთნელის საკითხია განსაკუთრებით ამ სეზონში, როცა ჩვენ ამდენი ტრავმირებული გვყავდა. ასე რომ, დანამდვილებით მხოლოდ იმის თქმა შემიძლია, რომ გვირაბის ბოლოს ნამდვილად არის სინათლე."-განაცხადა ვან გაალმა

წყარო: Manutd.ru