პოლ სქოულზის ყოველკვირეული გრაფა.
რონალდუს ყოველთვის ხვდებოდა, როცა ინგლისში თამაშობდა"მანჩესტერ იუნაიტედის" შემადგენლობაში ვიყავი იმ დღეს, როცა კრიშტიანუ რონალდუ "პორტსმუტთან" მატჩში რიჩარდ ჰიუზთან ჩხუბის გამო გააძევეს - 2007 წელი.
როგორც ბევრ დიდებულ ფეხბურთელს, რონალდუს მოწინააღმდეგისგან ხშირად ხვდებოდა ფეხებში და მშვიდად რეაგირებდა ამაზე და მატჩს აგრძელებდა. მაგრამ როგორც თითოეულ ჩვენგანს, მასაც აქვს მოთმინების ფიალა და როგორც ჩანს "კორდობას" წინააღმდეგ მატჩში აევსო.
როცა "მანჩესტერ სიტის" ვეთამაშებოდით, ბენ ტეტჩერთან და მაიკ ბოლთან ორთაბრძოლის დროს ძალიან უჭირდა. სწორად მოიქცა, რომ არავითარი რეაქცია არ ჰქონია. ისეთ ფეხბურთელებს, როგორიც კრიშტიანუა ახლა ჯარიმებისგან იცავენ - დღეები, როცა საუკეთესო ფეხბურთელს ფეხის მოსატეხად დასდევდნენ, საბედნიეროდ, უკან დარჩა.
მაგრამ ეს ყველაფერი იმას გვიჩვენებს, რომ მუდმივად წესების დარღვევის ფონზე საუკეთესო ფეხბურთელიც კი გამოდის მწყობრიდან.
"ჩელსის" დაწევა ჯერ კიდევ შეიძლება, იმ შემთხვევაშიც კი, თუ "სიტის" მოუგებენ"სტემფორდ ბრიჯზე" "მანჩესტერ სიტის" ვიზიტი საჩემპიონო მატჩად არის აღქმული, მაგრამ ამას არ ვეთანხმები. იმ შემთხვევაშიც კი, თუ "ჩელსი" მოიგებს და 8 ქულიან უპირატესობას მიიღებს, არ ვფიქრობ, რომ ასეთი უპირატესობის აღმოფხვრა შეუძლებელია.
"სიტი" ძალიან ძლიერად გამოიყურებოდა, შემდეგ კი "ევერტონს" ფრე ეთამაშეს, "არსენალთან" დამარცხდნენ, "მიდლსბორსთან" ინგლისის თასზე წააგეს. მაგრამ ამ ყველაფრის მიუხედავად, არ გამიკვირდება თუ "ჩელსის" გადაასწრებენ.
მეფიქრება, რომ როცა სერხიო აგუერო დაბრუნდება, ოპტიმალური ფორმის აღდგენისთვის 5-6 კვირა დასჭირდება. იაია ტურე - "სიტისთვის" დიდი დანაკლისია, განსაკუთრებით, როცა სახლში თამაშობენ და არა ტოპ-კლუბების წინააღმდეგ გასვლაზე. აგუეროსა და დავიდ სილვას "ჩელსის" დაცვისთვის დიდი თავსატეხის გაჩენა შეუძლიათ.
ნეტბოლი - შესანიშნავი თამაშია... "იუნაიტედთანაც" კავშირშიაორშაბათს ნეტბოლის ადგილობრივი გუნდის თამაშზე ფოტო გადამიღეს: "მანჩესტერ ტანდერი" "სარეი შტორმს" ეთამაშებოდა და გაიმარჯვა. ბოლო რამდენიმე წლის განმავლობაში ნეტბოლს ხშირად ვუყურებ. ჩემი 13 წლის ქალიშვილი სპორტის ამ სახეობით ძალიან გატაცებულია. მეც მომწონს. მანკუნიანელები სუპერლიგის ჩემპიონის ტიტულს თმობენ, ხოლო კლუბის დირექტორი ტრეისი ნევილი, გარისა და ფილის და გახლავთ.
ძალიან ტექნიკური სპორტია. სისწრაფე უდიდესი, ხოლო მოთამაშეები შესანიშნავ ფორმაში უნდა იმყოფებოდნენ. არ გეგონოთ ნეტბოლში ბრძოლა არ არის.
წყარო:
carrick.ru