"მანჩესტერ იუნაიტედის" ახალგაზრდა ნახევარმცველი, ანდრეას პერეირა ზაფხულში პსჟ-ში გადასვლით ინტერესდება.

19 წლის ფეხბურთელის კონტრაქტი მომდევნო სეზონის ბოლოს იწურება და "წითელი ეშმაკების" მხრიდან ახალი შეთანხმების შეთავაზება ნაკლებად სარწმუნოა.

პერეირას შეუძლია მოლაპარაკებები აწარმოოს გუნდებთან, რომლებიც მის პოტენციურ დამსაქმებლად გვესახებიან, მაგრამ ასეთმა გუნდებმა კონტრაქტის გამოსყიდვისთვის კომპენსაცია უნდა გადაიხადონ.

ითვლება, რომ ახალგაზრდა ფეხბურთელისთვის რბოლაში პსჟ ლიდერობს და პერეირას მამა, რომელიც ამავდროულად ფეხბურთელის აგენტია, აცხადებს, რომ პარიზში გადასვლა მისი შვილისთვის წინ გადადგმული ნაბიჯი იქნება.

"პსჟ? რა თქმა უნდა, ამ ჭორის შესახებ ჩვენც გავიგეთ, მაგრამ შემიძლია გითხრათ, რომ ამჟამად კონტაქტზე არ გამოსულან და არც ის ვიცით, მიმართეს თუ არა "მანჩესტერ იუნაიტედს.

მე მხოლოდ იმის თქმა შემიძლია, რომ ჩემს შვილს თამაში და პროგრესირება სურს, ახლა კი ასე არ ხდება. "იუნაიტედი" მსოფლიოს ერთ-ერთი უდიდესი კლუბია, მაგრამ არც პსჟ იქნება პერეირასთვის ცუდი. რა ღირს? ამის თქმა რთულია. მისი კონტრაქტი წელიწადნახევრის შემდეგ იწურება და ეს იმაზეა დამოკიდებული, მოისურვებს თუ არა "იუნაიტედი" მის გაყიდვას ახლა." - განაცხადა პერეირას მამამ.

წყარო: manutd.ru