"მანჩესტერ იუნაიტედი" "სტივენეიჯ ბოროუს" ცენტრალური მცველით, რაიან ჯონსონით დაინტერესდა.

"იუნაიტედისა" და "სტივენეიჯის" 18 წლამდელთა მატჩში რაიანმა "წითელი ეშმაკების" სკაუტებზე შთაბეჭდილება მოახდინა, რის შემდეგაც 18 წლის მცველი კარინგტონზე სავარჯიშოდ მიიწვიეს.

ჯონსონმა საფეხბურთო "კარიერა" "ვესტ ბრომვიჩში" დაიწყო, სადაც 7 წლის განმავლობაში აკადემიაში სწავლობდა და სტიპენდიაც დაენიშნა. თუმცა სჯეროდა, რომ "სტივენეიჯში" გადასვლით თავის გამოჩენის უკეთესი შანსი მიეცემოდა და 2013 წელს სწორედ ამ გუნდში გადავიდა.

ახალმა კლუბმა რაიანს ორწლიანი სტიპენდია დაუნიშნა, მან კი მალე მოახდინა შთაბეჭდილება და პროფესიონალური კონტრაქტიც მიიღო. გასულ სეზონში რამდენიმეჯერ სათადარიგოთა სკამზეც მოხვდა, ხოლო მაისში "ბრენდფორდთან" მატჩში სადებიუტო შეხვედრა ჩაატარა.

ამგვარად, რაიანი "სტივენეიჯის" ყველაზე ახალგაზრდა დებიუტანტი გახდა - ის 17 წლისა და 215 დღის იყო. სადებიუტო შეხვედრაში ჯონსონი მარცხენა ფლანგზე თამაშობდა, მაგრამ ამის მიუხედავად მწვრთნელისგან შექება დაიმსახურა.

ამჟამად ჯონსონი კარინგტონზე იმყოფება და მას სამწვრთნელო შტაბის დასარწმუნებლად 1 კვირა მიეცა.

წყარო: dailymail