ლუი საას სჯერა, რომ "მანჩესტერ იუნაიტედი" ვან გაალის ხელმძღვანელობის ქვეშ სწორი მიმართულებით ვითარდება.
გასული სეზონის შემდეგ "წითელმა ეშმაკებმა" ოთხეულში თავის დამკვირდება მოახერხეს და ამჟამად ერთ-ერთი იშვიათი ტოპ-კლუბია, რომელიც ინგლისის თასზე ასპარეზობას ჯერ კიდევ აგრძელებს.
საა თავის ყოფილ კლუბს აკვირდება და სჯერა, რომ ვან გაალის ხელმძღვანელობის ქვეშ "წითლები" წარმატებას მიაღწევენ.
"ვფიქრობ, ვან გაალი ჯერ კიდევ ეძებს უძლიერეს შემადგენლობას და ერთი-ორი ფეხბურთელი აკლია. მაგრამ პოზიტივიც არსებობს: ჩვენ შესანიშნავი ფეხბურთელები ვიყიდეთ და გულშემატკივართა თვალში იმედის ნაპერწკალი გავაღვივეთ.
ყველაზე მნიშვნელოვანი ჩემპიონობისთვის ბრძოლაში დაბრუნებაა. გასულ სეზონში გამარჯვებულის ჩვეული განწყობა გარკვეულწილად დაკარგული იყო. მიმდინარე სეზონში კი ყველაფერი გაცილებით უკეთაა, გუნდს საკუთარი ძალების სჯერა.
ახლა გარდამტეხი პერიოდი დგას და ვან გაალს გარკვეული დრო დასჭირდება, რათა საბოლოოდ შეიცნოს კლუბი, რადგან "მანჩესტერ იუნაიტედი" - განსაკუთრებულია. ვფიქრობ, ნებისმიერი ახალი მწვრთნელი თავდაპირველად სირთულეებს შეხვდებოდა. ვხედავ, გუნდი პროგრესირებს, მაგრამ პრემიერ ლიგის პირველ ადგილამდე ჯერ კიდევ დიდი გზაა.
ეს ძალიან რთული ტურნირია. კონკურენცია გაიზარდა, ახალი ძლიერი ფეხბურთელები გამოჩნდნენ. რთული გამოწვევაა, მაგრამ დარწმუნებული ვარ, რომ "იუნაიტედი" მალე მწვერვალზე აღმოჩნდება. გუნდის ახალი მწვრთნელი ფეხბურთს მთელი წადილით ეკიდება და იმედი მაქვს, რომ თასებს მოგვიპოვებს." - განაცხადა საამ.