ხუან მატამ გასულ სეზონში "ჩელსის" დატოვებით ჩემპიონთა ლიგაზე თამაშის უფლება დაკარგა და "იუნაიტედის" ფეხბურთელი გახდა.

დევიდ მოიესის ხელმძღვანელობის ქვეშ "წითელმა ეშმაკებმა" ევროპის ყველაზე პრესტიჟულ ტურნირზე გასვლა ვერ მოახერხეს, მაგრამ მატა ირწმუნება, რომ მსგავსი რამ არ განმეორდება.

ესპანელი ფეხბურთელის თქმით, რომელმაც მიმდინარე სეზონში ვან გაალის გუნდში 20 მატჩი ჩაატარა და 5 გოლის გატანა მოახერხა, ჩემპიონთა ლიგაზე მოხვედრა ადვილი არ იქნება, მაგრამ "იუნაიტედმა" ეს აუცილებლად უნდა გააკეთოს.

"ეს იქნება ბრძოლა უკანასკნელ ტურამდე და არა მარტო ორ გუნდს შორის, არამედ სამ, ოთხ, ხუთ გუნდს შორის, რადგან განსხვავება მცირე რაოდენობის ქულებშია.

ჩვენი მთავარი მიზანი კვლავ ჩემპიონთა ლიგაზე თამაშია, რადგან ეს კლუბი იქ ყოველთვის უნდა თამაშობდეს.

ტელევიზორით სამშაბათსა და ოთხშაბათს მატჩების ყურება რთულია. გონებაში თითოეულ ჩვენგანს ჩაბეჭდილი გვაქვს, რომ ჩემპიონთა ლიგაზე უნდა დავბრუნდეთ - მსოფლიოს ყველაზე მიმზიდველი ტურნირია. ისევ იქ უნდა ვიყოთ.

ვიცით, რომ სეზონის რთულ პერიოდში შევდივართ. გასული თვეები, გასული 10-15 მატჩი ალბათ ყველაზე მნიშვნელოვანი იყო. ვიცით, რომ კარგად უნდა ვითამაშოთ, მოვიგოთ და მივაღწიოთ იმ პოზიციას, რომელიც გამარჯვებას მოგვიტანს.

თუ გინდა სეზონის ბოლოს ტოპ-ოთხეულში იყო, თითქმის ყველა მატჩი უნდა მოიგო. "ლესტერ სიტი" იქნება თუ "მანჩესტერ სიტი", მნიშვნელობა არ აქვს. მომდევნო ექვსი ან შვიდი მატჩი ყველაზე მნიშვნელოვანია.

აუცილებელია კიდევ ერთხელ ვაჩვენოთ ისეთი წაუგებელი სერია, როგორიც ნოემბრისა და დეკემბრის თვეებს შორის გვქონდა." - განაცხადა მატამ.

წყარო: M.E.N.