"მანჩესტერ იუნაიტედის" ლეგენდა, რაიან გიგზი თავისი პროფესიონალური კარიერის განვითარებით მოხარულია.

2014 წელს რაიან გიგზმა საფეხბურთო კარიერა დაასრულა, რის შემდეგაც ლუი ვან გაალის ასისტენტი გახდა. მანამდე კი დევიდ მოიესის გაძევების შემდეგ "მანჩესტერ იუნაიტედი" სეზონის უკანასკნელ ოთხ მატჩში მისი ხელმძღვანელობის ქვეშ ასპარეზობდა.

საფეხბურთო კარიერის უკანასკნელი მატჩი უელსელმა "ოლდ ტრაფორდზე" "ჰალ სიტის" წინააღმდეგ გამართა, რომელშიც თავისი თანამემამულე, ტომ ლოურენსი სათადარიგოთა სკამიდან შეცვალა.

რაიანი აცხადებს, რომ მოხარულია თავისი კარიერის განვითარებით და თავს კომფორტულად გრძნობს.

"ვერც კი წარმოვიდგენდი ფეხბურთელის კარიერის უკეთეს დასასრულს. სეზონი მწვრთნელის რანგში დავასრულე და რამდენიმე ახალგაზრდას თავის გამოჩენის შანსიც მივეცი. სიმბოლური იყო ისიც, რომ ახალგაზრდა ტომ ლოურენსი "ოლდ ტრაფორდზე" პირველად სწორედ მაშინ გამოჩნდა, როცა მე უკანასკნელი მატჩი ჩავატარე."

"ამჟამად "იუნაიტედის" სამწვრთნელო შტაბში შევდივარ და ეს არავითარ დისკომფორტში არ მამყოფებს. მე ვარ "იუნაიტედის" ქომაგი, "იუნაიტედის" ყოფილი ფეხბურთელი და გამარჯვებული, ისევე როგორც კლუბი."

"თუ რომელიმე ფეხბურთელი ჩვენი სტატუსისთვის შესაბამისი აღარ იქნება, ამას აუცილებლად ვეტყვი. ეს არასდროს ყოფილა ჩემთვის პრობლემა." - განაცხადა გიგზმა.

წყარო: redevils.ru